1 De gođi e pačavne manušen te pokorin pe e šorutnenđe thaj kolenđe save si ko vlast, te šunen thaj te aven spremna baše sa e šukar buća. 2 Vaćar lenđe khoni te ma vaćarol bilačhe khanikastar, ma te ćeren čingara, nego te aven krotka thaj te sikaven ljubaznost premal savorende.

3 Gova vaćarav golese so i amen sama bigođaver, zavedime thaj ni šundam. Sama robura bašo strast thaj baše užitkura sa e vrste. Naćhena amare đivesa ano bilačhipe thaj ano zavist. Mrzisade amen thaj amen mrzisadam jekh avere.

4 Al tegani sikada pe o šukaripe

thaj o manglipe e Devleso amare Spasiteljeso, premale manuša.

5 O Dol spasisada amen,

na baše pravedna buća save ćerdam,

nego baše piro milosrđe.

Spasisada amen kana thoda amen,

golesa palem bijandiljam

thaj obnovisada amen e Svetone Duxosa.

6 O Dol pe amende čhorda izobilno o Sveto Duxo

prekalo Isus Hrist o Spasitelji amaro.

7 O Dol pale leso milost opravdisada amen te bi šaj postanisa

naslednikura taro džuvdipe bizo meripe savese nadi amen.

8 Kava sikajipe si sigurno thaj mangav kava zurale te vaćare, te bi kola save pačan ano Dol posvetina pe te ćeren šukar buća. Gova si šukar thaj korisno baše sa e manuša.

9 Crde tut taro dilo pučipe, tare čingara tare spiskura tare plemenura, tare prepirke thaj čingara taro Zakon, golese so si bizo korist thaj čuče. 10 Te ćerda khoni maškar tumende razdor, opomeni le! Al te ćerol gova i pali dujto opomena, crde tut lestar! 11 Tu džane kaj gasavo manuš si rumimo thaj grešil. Vov korkoro pes osudil.

12 Kana ka bičhalav e Arteme il e Tihike ke tute, dikh te ave ke mande ano Nikopolj! Golese so odlučisadem gothe te nakhavav o jevend. 13 E Zinese, e advokatese thaj e Apolose dikh te pomogni lenđe so trubul len dromese, ma te falil lenđe khanči. 14 Thaj gijate amare manuša trubun te sikljon te posvetin pe te ćeren šukar buća, kaj god čače isi potreba, te ma bi živina čučo džuvdipe.

15 Savore save si mancar pozdravin tut.

Pozdravi e pačavnen save manđen amen ano pačajipe.

E Devleso milost te avol tumencar savorencar.