2 Saamu'elii 5

Daawiti Mootii Israa’elii Te’e

1 Gosi Israa’elii marti Kebroonitti gara Daawitii dhufanee, «Nuuti dhiigaa fi foon keeti; 2 kanaan qara, yennaa Saa’ol mootii keenna te’eerulle, nami Israa’eloota sooresse si’i; Mootiin Waan Maraalle, si’iin, ‹Kolbaa tiyya Israa’el hin tissita; bulchaa isaanille hin teeta› jedheeraayyu» jedhane. 3 Maarre jaarsoleen Israa’elii marti Kebroonitti gara Daawitii mootichaa dhufane; mootichi Daawiti Kebroonitti Mootii Waan Maraa duratti isaan woliin gondooroo godhate; isaanille Daawiti muudanee Israa’el irratti mootii godhane.