1 Ee kolbaa Israa'elii, cubbuun teessan waan isin gufachiitteef, gara Mootii Waan Maraa Waaqa keessanii deebi'a'a. 2 Jechoota kana isaan jedhiisaaf, fudhadha'aatii gara Mootii Waan Maraa deebi'a'a'a: «Cubbuu teenna mara nuu araaram! Galata dansaa afaan keennaa akka dhikeessinu, mararti'iin nu fudhadhu. 3 Asoor nu baasuu hin dande'u; fardoo lolaa irra hin teennu; ijoollee haadhaa fi abbaa hin qanne si'iin marartii waan dhaggattuuf, nuuti ijjumaa deebinee waan harki keenna hujeen, ‹Waaqota keenna› hin jennu» jedha'aan.

4 Mootiin Waan Maraa,

«Ani dhukkuba na irraa isaan fageessu irraa

isaan hin fayyisa;

aariin tiyya isaan irraa waan deebiteef,

ani akkasumaan isaan hin jaaladha.

5 Ani Israa'eliif

akka tiifu'uu hin te'a.

Isaan akka daraara'aa hin baqan;

akka hindheensa Libaanonii hidda gad hin naqatan.

6 Isaan quunxoo haareya hin baasan.

Akka muka ejersaa hin miidhagan;

fooleen isaanii akka hindheensa Libaanonii hin teeti.

7 Isaan deebi'anee gaaddisa kiyya jala hin boqatan.

Akka midhaanii hin latan;

akka muka woyni'ii hin daraaran;

akka daadhii woynii biyya Libaanonii gurra hin horatan.

8 Ee kolbaan Efreemii,

waaqota dharaa biraa

ani maan qaba ree?

Ka deebii isiniif kennu,

ka isin kunuunsu ana.

Ani akka muka yennaa mara bisiluu ti;

eebbifam keessan na biraa dhufa» jedha.

9 Nami qaroon waan kana hin hubata;

nami woy hubatu waan kana hin qalbeeffata;

karaan Mootii Waan Maraa qajeela'a;

balchooleen irra ideeman;

finqiltooti ammoo keessatti gufatan.