1 Ta hazangana bu'unga, ama pan bwa cilabe inga busa buco abubui. Zanga lagasa nga̱ asa hun nabwe, 2 Nga̱ simaci nga̱ amaci, na mukangaza nga̱ ahun cu'a, na maka̠la̠ ma suwa na nagu ciri. 3 Pan sa'a sina si sare siba kwaji cilabe sina siza iyi wa. 4 Ama si bu'a buna bu bware buba kwaji buzi saawo ko si kaka, si rwage cibag suwa wai ibwana i Hwinsu pa ahun waba, zwama haruni ayiwa ni ringya hacaca taimako una u hacaca aba ia̱gya ga. uniya ui sa Hwinsu hugi laco. 5 Bu'a buna bu bware buba bu kwaji buna buza bucahya bui taimaka bwa busa bu tane suwa pa Hwinsu busa bu iyi ahunda busa bu iyi ahunda na gita bu kaba Hwinsu u taimaki bwa. 6 Ama bu'a buna bu bware buba bu kwaji buna bu yiwa na dala i hugo i laco bu rigana bu kwaju na suwa ko inga buba bui si kwajuwo. 7 Zwaman aco cikarigo cini, zwama ata hyan buna bwab ai pana laifi zwama nagu cidaka. 8 Ka̱mu buna bwe panuwa i byana ahun buba, musama ahun a yaba buba , bu wanje i tano suwa hinda bu zaki buna bwa yajuwa na Hwinsu.

9 Bu'a bu na bu bware buba kwaji buna hinda bu siyiwa bu noya ata tana bwa pa si'a sina si sare siba kwaji kwa di si bu hwace haya kope cunihin, hinda lokaci una bware bu buba bui si kwajuwo si bu iyi dala burya̠ na bori. 10 Hinda a daki bwa na ibwana i burya̠ , wata si bu kumgagi saawo si buba na burya̠ , icibiwo i yama, iguzagu i buna aco Hwinsu, itaimaku aco na ia̠ga i burya̠ .

11 Ama ta tana sa'a sana sa aco kaciya sina si sare siba kwaji pa uniya lisafi, zwama lokaci una maka̠la̠ ma ikanga Kristi iba macako,si ka̱ri ea cigya. 12 Na haruni zangi icwa yaba hukunci, zwama aba sa kucuna waba ku jigu. 13 Ban na haruni, alaga dala kawui na i lagana mu yaba. Sama dala a kawui aba yiwa hal ma ayiwa na eaga cizwama ci aco, ni zwamaga ina isa burya̠ . 14 Na zaki yaji si'a sina si nuya sina si sare siba kwaji si i cigya, zwama amaci saawo, a kimga yaba hinda zwama a gazga buco bu eewo yina a buba bu sanaga a hacigage ize nuci. 15 a cagiya a rigana ama biciku ilagano i bugwama bu eewo. 16 Si aza alagano ana si'a si sare siba kwaji, a taimaki bwa ata sana alagano a Yesu more i taimaku i buba. inga coci uba ui taimaka sa'a sina si sare siba kwaji sina si za ihya.

17 A unga ana iyi ibwana i hwinsu na burya̠ a pa ga cilabe dinyiya, kanmu na aco na yiwa na cibago na zwamago cikarigo ci Hwinsu. 18 Zwama cikarigo ci Hwinsu ci hyen, <<Aza i kubtana una ui curi bina bi yiwa na bisupa>>, na hinda <<Buna buyiwa na ibwana u kamaci a pa bwa lada.>> 19 Ta yada kara una aba abu kulage bu'unga bu aco na lagan kwa sa hyin ha sheda harya ko hataco. 20 Aco na iyi magwata̱ a ugana ga pa suwa wa aco a butaga ga, inga cagiya aco aba ai huge buta.

21 Na yiwa na butagan na zwama iziya i Hwinsu na Kristi Yesu na acuma ana Hwinsu uba tanga, i kumgage cikarigo cina ita ciba banbanci, hinda ita ciba maka̠la̠ ma suwa.

22 Ta ea mabuna na ijukanu buco wa hinda ta yada tane wa ma cagiya aco. Kumba. Ama ila icwa nibuya na nagu ciri.

23 Curya isu i miya maba, i so cimu miya ma saawo sa u'on mana mai sunguruwa zwama mukaba amubwe na mahuna mana ma yiwa tuhumba.

24 Magwata̱ ma aco mayiwa na pili, hinda masa ma cibai kafin ia̠gya ga shari'a; ama magwata̱ ma cagiya aco ma sirya kacuta. 25 Harbuni hinda ibwana i burya̠ i yiwa ni pili, hinda ina i sa burya̠ iza masuya.