1 Inga aco na yiwa na ibwana tare na Hwinsu ci yiwa na one ita curya i burya̠ i Hwinsu i ali kamuyo. 2 Zwama Hwinsu u hyen <<Na lokaci u i burya̠ na hoge, hinda na lokaci u i cago na banga.>>

3 Ci tanuwa ina i sana buco hya bu majubuce na yina a buba, inga cikarigo a cici aba za na ci sa ci burya̠ . 4 Kwa di, inga agyama Hwinsu ci yiwa ni yabe sicwa asici na tiwamba yina: ci yiwa na ea haruni na jumuri, na wahala na iso i azaba hal na masifa. 5 a ci supagi na si gungu, aci tane na ukaba u ci'incu na yasingo i hankali; ni ibwana i koce, nagu malabo na gita na imirwa; 6 Na nagu ciri, na nagu i daku, ubwobo u soo, na kirki, na a̱huru a burya̠ na maka̠la̠ ma kamahinda; 7 na cikarigo ci kamahinda na kuce Hwinsu; inga icwana i hona u nagu ciri na wa u cuga hinda na wa u gula; 8 pa izangacu nici na nagu i pano cilabe, ruhoto u wo na ruhoto u burya̠ ; na una u kamahinda, kanmu na uni aci zangi aco nagu u kamahinda; 9 cidaka, aci zangi ci dakuwo; u'o, hinda kanmu na haruni ci kwajuwo; bisupa, i hunuwa; 10 na suwa cidam, kanmu na haruniya ci yiwa na wa̱wo; nagu izan, kanmu ni haruniya ci sa aco dinya aza izan; nagu ihya, hinda ci hyin tibai. 11 Ci eago cikarigo ci suwo ihya, aco korintiyawa, hinda ci gunjigage hasuwa haci kanmu. 12 Sa gaciya ci wanje, ama ganhiya i ci gunjigaguwa hasuwa ahahi pa gaci. 13 Na yiwa na eagya cikarigo inga buco buba busa bu egyi saawo sa buba ganhi ma ci gunjigagiya hasuwa ahahi.

14 Ita gama sicwa na aco na a lagana Hwinsu. zwama bai gami nagu ciri na magota? Ko hinda bai gami bangaro na ci'incu? 15 Biya gami Kristi na bugwama bu eewo? Biya gami buna bu yaje na buna bwe yajuwa na Hwinsu? 16 Biya gami iginga i Hwinsu na ukaba u hagunki? Zwama gaci cisa iginga i Hwinsu una u yiwa. Nga̱ Hwinsu uba hin: <<Ni madala na aba hinda na jabaga naba, hinda na sana Hwinsu waba, hinda aba ai sana aco nimui.>> 17 <<Zwama haruni sirya pa aba hinda ma handgage, Hwinsu u hyen. Ita danga ina i za ciri, hinda na i ca.>> 18 Hwinsu hin, <<Na sana Buca̠ a buhin, hinda ga̠hi i sana saawo su cware na saawo si cu'a asimui, bugwama bu tibai na tibai.>>