1 Utakada u Yahud, bugyama bu Yesu Kristi, na buhunwo bu Yakub,

Korwa pa aco na Hwinsu uba o'ga na maka̱la̱ ma Hwinsu buca na buna bu Yesu kristi aba iri: 2 Iyama, na dala a burya̠, na maka̠la̠ masa a mahin ma sinji dinyiya.

3 Sa'osa asimui sina gya na ka̠ri, na cumugagi na rubuci utakada korwo an hwahi zwama icagaco i ga̱ci ma habusage na ga̱hin, nga̱ gya na hoge na soo numui i rubuci i butan zwama iyisan na koce pa itano i soo nicu ina i Hwinsu uba pa aco nagu magwata. 4 Na zwame haruni zwama aza aco a ista na ciswin ana tun jigu aba pare ga. Aza iwasa i Hwinsu ana sake i burya̱ Hwinsu usa yina i hogo laco, hinda a wonje Yesu Kristi ina isa bulabe a buci na bugwama a buci. 5 Ka̱mu na haruni i rigyano i daki, na ginbo na butaryage nga̱ Hwinsu uba silacome aco Isra'ila na cinge ci Masar, ama ka̱mu na haruni u hone aco na a yadwuwa na ba. 6 Ma butaryagya je na acuma a Hwinsu ana ai kumgaguwa ihuga ina aba iri ga na koce yaba, ama a curi ihuga ina aba iriga-ani Hwinsu u pare ga na ci'incu, a pare ga na marimari una uza ihogu a anpa shara'a u labe na hon uni. 7 Harbuni ma ita maingana na ina i ia̱gi na hon Sodom na Gomara na mu'ogo muna mu ringa ga aba ma pa sicwa saba pa eagu i cidana, aco cware na bungi na aco cware, si'a hinda ayiwa na bungi na si'a na maka̱la̱ ina Hwinsu uba wonje. Mu'ogo muni mu sana misali muna aba ai hukacuma na ula una uza ihogu. 8 Harbuni uba yiwa, pa aco na yinsa pa halabuwa ana hacigage hakanga haba, a wonje cutana sicwa saba pa mugwamgwam hinda a eagana cilabe ci Hwinsu maya hinda ayiwa na cwan acuma a Hwinsu. 9 Ama ko ma bucuma bu Hwinsu Mika'ilu iwo haruni. Inga aba ea masisa na bugwama bo iwo zwama ganba bwe zangi ikanga i Musa, bucuma Mika'ilubu iwo koce u soo bu ia̱gi cikarigo ci wo, ama bu hin, <<Hwinsu u bu buta!>> 10 Ama aco ni a eagu cico na noma iwo na ina ka̱mu aba a dakuwo; hinda na ina aba daki na maco, a nyaga na nama hila-ina i hone ga bini. 11 Iwo i konbe ga! A lagano yina ana a nyaga na una u Kayinu; zwama ginbo i musare kwa aba na ese magwata̱ mana Balaam aba ia̱gi, hinda a kwaji ka̱mu zwama nagu ihogo ina i nyaga ina Kora. 12 Aco na dala na ihuga ina ga̱hi matanaga dala a maka̠la̠, hon na aba tanaga̱ ne re mare na so na ga̱hi aza munya ko iwasa-a nyaga na ahuba an a daki sicwa saba kawai. A nyaga na halala hana haza silo, mupyala muba musa mu hula; a nyaga na e'on, ina iza imata na iho ina aba muci hinda kwa uba na kwaji ka̱mu. 13 A̱ nyaga na Idwakwa i miya ma wo ina si daje zata, hapococo ha masenge zata na apisa na eaga cikibi na i muya; a nyaga na muginga muna mu yiwa na ange harbuce, muna aba iri ci'incu ci siri cina ciza ihogu. 14 Enok, ina i sa bu tandarya pa lokaci wa Adamu, bware ma bu zwamage ina i ia̱ga na aco ni: <<Byana, Hwinsu i yiwa na koro na acuma an za ciri an wuci dubu dinya, 15 zwama Hwinsu ui ia̱gi tigaba shara'a, aco na za iwasa i Hwinsu ina aba ea na yina an ai gyamacuwa, ba ka̱mu cikarigo cina aco magwata̱ zwamage no uba.>> 16 Aco ni a za uwugi u cikarigo hinda aza gibo ihya magwata ma cagiya aco; a yiwa na lagana eewo ina hasoo haba ginbo, a ia̱gu cikibi ci sicwa saba hinda aco na sa i burya̠ i cagiya aco zwama a hyan an asa aco burya̠.

17 Ama, sa'osa a simui sina gya na ka̠ri, mabutaryage na ina silmajiri si Buca̠ bu yaba Yesu Kristi nuci aba zwamage tuni an i ia̱ga. 18 Ai zwama, <<Kapi i hogu i doone aco i ia̠gya alala ana ai sana a ia̱gi ina Hwinsu ub ui ka̱ruwo.>> 19 Abiya asa aco na ai kuliya uryabagu nuhin, ana ayiwa na lagana maka̱la̱ ma iyi doone zwama aza a̱huru a burya̠ a Hwinsu. 20 Ama ga̱hi, sa'usa asumui sina gya na ka̠ri, kimganiga sicwa asihin na itano i soo i burya̠ na ia̠ga ya ahunda̱ na a̱huru a burya̠ a Hwinsu. 21 Ila sicwa asihi na maka̠la̠ ma Hwinsu i iyi a̱pe u yama Bugwama Yesu Kristi ana ai kulage a̱huru ana aza ihogu. 22 Huga ja yama ya aco na ana mai yajuwa; 23 cyagaga ja aco na gimbo i isa ula; acyagiya aco i huge yama yaba, itani na iwasa i wunje hazunga hana ha aco na ai sa burya̠.

24 Pa Hwinsu buna bui kumgaga zwama ita maginda hinda bui cuta aco nagu magwata̱ kurwo pa cizangacu ci labe na soo cine dinyiya- 25 Pa Hwinsu bu cyagagu abuci, cizangacu, cilabe, koce, una u yiwa pa Yesu Kristi Bugwama bu doone, pa sizwaga ka̱mu, baniya na hal ihogu i doone! Harbuni.