Marcos 5

Yesu i hwingacume buco bu ma apisa

1 Kwa Yesu na silmajiri si bware a kore ukaceso uwo u Galili una u yiwa pa usala u Hagarasinawa. 2 Nga̠ Yesu na silmajiri aba sire na suwa u jirgi u miya, kwa buco bu mahuna ma mupyala mu eewo bu sere na suwa u hazin bu kore pa bware. 3 Buco buni bu yiwa na suwa u hazin, a nagi buna bui pwa̠na i pare bo, ko na kasarka. 4 A sano sa pare bo buna na siwa na kasarka, busa bu makakase kasarka hinda makakase maruma na buna. A nagi buna bu za koce ina buba bui konbe bo. 5 Tuhun lokaci na hwinsu na gita aza buco buna bui hina i ange hazin na mu’ogo buba na sangana cu’ogo buba na makajaga ikanga na hatare. 6 Nga̠ buba ha̠in Yesu na cimere, kwa buba na yamana monda kwa na kuztan Yesu. 7 Kwa mupyala mu eewo muna mu yiwa na suwa u ikanga bware na san cu’og, <<Bai goo bu ginbago a hwamui, Yesu, Bwa bu Labe Hwinsu? Ni ma ga̠mi na Hwinsu ni ia̠ga alkawali buza na sungulacuma!>> 8 Mupyala mu eewo mu hin haruni zwama Yesu i hin, <<Sirya na soo u buco buna, go mupyala mu eewo!>>

9 Kwa Yesu na hin na buba, <<Iziya nebo ganba?>> <<Iziya nimui dinya,>>

bu cane Yesu, <<Zwam ci yiwa ci mose.>> 10 Kwa buco bu apisa na hinana une Yesu ata silacuma mupyala mu eewo na usala uni.

11 Ciyabu na ihuga ini garke u silade si yanse na ihuba̠. 12 Hinda mupyala mu eewo kwa na une yesu, <<San ci ese na suwa u silade; curi ci ese na suwa u siba.>> 13 Kwa Yesu na yaje, kwa mupyala mu eewo na sirya na ese na suwa u silade. Garke u silade, si yanse dubu urya, kwa silade sini ka̠mu na ia̠man munda na mawalan na suwa uwo kwa na kwaji.

14 Aco yanse na huban silade sini na yamana monda kurwa e’ogo na cubagan aco ina ia̠gi silade sini.