1 Na yiwa na unag zwama Hwinsu na Kristi Yesu, buna bui ia̱ hukunci pa aco na aza a̱huru na aco na a kwadag, bwe kurya na cigwama ciwoba, 2 cibaga cikarigo ci Hwinsu; ko buza dama ko buza dama numi hasuwa ha aco butanaga dulocuma ga soo na hankuri na icibago. 3 Zwama lokaci ayiwa na kuro aco za ipwan i kumgagu icibagu i cikarigo ci kamahinda maimako haruni i byangan i cibago ina aba gimba i tanagagu sicwa siba aco na ai cibaga ga a cibage ga ina hacube aba gimbo hugi. 4 Aco hinda ai gundgan hacube haba zwama ata hugaga icibago i kamahinda hankali aba ai maringya pa icibago u icyaro. 5 Ama goo Timoti, ila hankali nabwe, ia̱ hankuri na suwa wahala ea ibwana buco bu icibago cikarigo ci laco go sinji ibwana bugyama bu Hwinsu. 6 Zwama arigana a jigo a̱huru namui nga̱ hadaya ha ci so, lokaci ana gya ni curya a̱huru namui a wuco. 7 Na iyi ipwala na burya̠ , na i munda hal kuro ihogu, na kumgage hinda itanu i soo amana. 8 Baniya a rigano a ni iru paro ana aba ai ni pan daje u nasara na adalci, una u Buca̱ bu yaba buna bu ia̱g shari'a u kamahinda bui ni pan Hwinsu uni. Sa pa gya ama ka̱mu aco na a i hankuri na soo u maka̱la̱ a hyin kuro u bware.

9 Guwo Timoti ea kokari nubwe kurya pa gya na yiwa, 10 Zwama Demas ani curi zwama maka̱la̱ ma iyi doone bware bu wali Tasalonika. Kirzens a kure Galatiya. 11 Luka ubiya u yisa na gya. Gimbaga Markus kurya na bware zwama bware buzi ampani dinya ahwamui pa ibwana. 12 Ni cuma Tikikus kuro Apisa. 13 Lokaci ani guwo bwe kure na kulagiya cilapo ci duro cina gya na curi na wa u Karbus na Toruwas, na hatakada, musamman hataka hana hazi rubutu. 14 Alekzanda bu pyapo bu ni cuci dinya Hwinsu ube ui pana bo gwargwado a ibwana ina goo bu ia̠gi. 15 Goo ma i kula na bware zwama bware bu gaba na cicuma acici. 16 Na jigu inga gya na yisa pa mugwamgwam aza buna bwa ni lagana kanmu ani swami. Hwinsu uta rutaga eewo yaba. 17 Ama Hwinsu u yanse tare na gya uni pa si koce zwamo pa ahwamui cicuma ci wuci seda a kamahinda ka̱mu na aco na asa hayahudawa a hugi. Ui na silacumi na hukunci u'o. 18 Hwinsu ui ni silacumi pa eewo ti iri wamba hinda wui ni silacumi u ni kule pa cigwama ciwoba ci zata. Ci pa Hwinsu cilabe na izangacu i yinsa har i hogu i doone. Harbuni.

19 Ni bungage Biskila na Akila na yaba i Onesiforu. 20 Erastus a yiwa har kabaniya na Korintus, hinda na curi Turofimus na mahuna ahwaya na Miletus. 21 Ia̠ kokari nubwe kurya kamin habo u kurya. Yubulus na Fudens, na Lainus, na kalaodiya, na ka̠mu ahun ayiwa na bungaga. 22 Hwinsu yan na a̠huru nahin. I burya̠ a yan na ga̠hi. Amin