1 Gya, Bulus, bucuma bu Kristi Yesu na nupi Hwinsu zwama a cubage alkawari ahuru ana ayiwa na suwa Kristi Yesu, 2 kuruwa pa Timoti, bwa bumui bu maka̠la̠:

I burya̱, yama, na dala a burya̠ kore pa Hwinsu Buca̱ na Kristi Yesu u yan na goo

3 Na gojo Hwinsu, buna bu gya na lagan nga̱ hacaca ahamui haba ia̱gi, hinda na suwa uinka, inga na gita na hwinsu si mabutaragi na ga̱hi pa ahunda̱. 4 Hun na gya na mabutaryaga maisa amahi, si cimgagu na hyan zwama gya masinji na wa̱wo. 5 Na mabutaryaga na tani i suwa i kamahinda ina tun na jigu iyiwa na simaci asihin Iloyes hinda amaci nabwe Afiniki, ina gya na daki ibiya goo buza. 6 Zwama harbuniya ubi sa gya nayiwa na mabutaryaga amagana daje una uyiwa na suwa nubwe, una u Hwinsu uba pa huna gya nabu jukani wa nabu tani unu u burya̠ . 7 Zwama anhuru na Hwinsu uba ci pa a ci sanuwa cisa aco iwasa, ama ahuru a kuce, ana a maka̠la̠ na ikumgagu icwa. 8 Zwama harbuni ta huga muniya mu sheda Bugwama bu dwoniya, ko guwo hugi muniya amumui ko buna buyiwa ni nokaba u ci'incu ama na banga na sunguro zwamo cikarigo ci Hwinsu, na kuce Hwinsu, 9 buna bu ci ce hinda bwa ci uga na nagu ciri-sa zwama ci za ihya ko ina gacu ia̠gi ama zwama uba ka̱ri pa i burya̠ waba. Ana alheri a ci pa se zwama Yesu Kristi kamin irwagu u doone, 10 Ama baniya aci cibe kuro u bu cyagagu Kristi Yesu. bware bube bu subkai u'o hinda kwa ni ci kulage cingero a̱huru dala ana aza ihogu pa cikarigo ci laco i Hwinsu. 11 Zwama cikarigo ci Hwinsu ci laco, aba na tani sa bu labe bu cikarigo ci Hwinsu na walami, buna bu sa almajiri na bu cibago bu cikarigo ci laco. 12 Zwama harbuniya ube usa gya na sungula inga gya ni yiwa na sungula baniya. Zwama na daki buna bu gya na yaji na buba, hinda na suwa numui na yaji wai pwan na tale na ina uba ni pa hal kuruwa hwinsu ni. 13 Kumgaga icibago i kamahinda na kuce, ina guwo bu hugi pa ahwamui i koyi na ciba na itanu i suwa na maka̠la̠ na suwa u Yesu Kristi. 14 Ea kula na icibagu ina i kamahinda ina abu pan amana, pa taimako ahuru a Hwinsu ana a yiwa na suwa nuhin. 15 Bu daki tigamba na Asiya buni pa kacutu gya Bulus, kamu na Faijelus na Hamojenis. 16 Hwinsu u cibe yama na yaba i Onesiforus, zwama tunuhun bware si ni paga numa, bware bwa huguwo muniya zwama ni yiwa na yaba ci'incu. 17 Ama maimako haruni inga Onesiforus uba bu wuci Roma, bware buna gimbagi gya Bulus hal bu ni hyan. 18 Hwinsu u sa Onesiforus bu hin yama pa Hwinsu na hunna! Guwo ma bu daki kanmu iri i burya̠ ina bware buba na egyi na Apisa.