5 बंदीगृह दा पतरस बंद ईरोन; लेकीन मंडली आऊन साटी मन हचकु परमेश्वर से प्रार्थना माळोद.
7 रा नोळी, प्रभु उन ऊंद स्वर्गदूत बंदकु निदुरदुन अदिक आ कोठरी दा ज्योति चमकुस्त, अदिक आव पतरस उन पासळी मा कय बळकु आऊक येद्दुन अदिक अंदुन, "येळ, जल्दी माळ." अदिक आऊन कयगोळ दा टु शंकलीगोळ बिटकु बिदोदव. 10 आग आंदुर पयला अदिक दुसरा पहरा टु होटकु आ लोवा अन्द फाटक मा पोहचुसदुर, जो नगर दी हादी होगतद. अद फाटक आंदुर साटी तान ताना खुलसेत, अदिक आंदुर होटकु ऊंद अच गली टु आगकु ऊंद हादी मा बंदुर, अदिक तुरन्त अच स्वर्गदूत आऊक बिटकु होटोदुन.
12 ईद जान्सकु पतरस आ यूहन्ना अन्द मोय मरियम इन मान्या बंदुन, जो मरकुस कहलुसतान. अल हापाळ सा लॉकुर जमा आगकु प्रार्थना माळोर. 13 याग आव फाटक इन खिळकी ठोक्सदुन, रा रूदे हेसुर इन ऊंद दासी दरवाजा तेरोर साटी बंदुर. 14 पतरस उन शब्द केळकु आक खुशी अन मारा देल फाटक तेर्दिदील, लेकीन ओळकु बुळ्क होदुर अदिक हेळदुर कि पतरस दरवाजा मा निदुरकु आन. 15 आंदुर आकिन से अंदुर, "नी यर्र आय." लेकीन आक हिम्मत माळकु अंदुर कि हिंग अच आद, "आग आंदुर अंदुर आऊन स्वर्गदूत आगीदान."
16 लेकीन पतरस ठोक्सतेला अच ईत्तुन: आखरी दा आंदुर खिळकी खोल्सदुर, अदिक आऊक नोळकु चकित ईतोदुर.