पौलुस अदिक बरनबास उन अलग आगोद
36 थ्वाळासा दिन बाद्दा पौलुस बरनबास से अंदुन, "या नगर दा नाव प्रभु उन वचन केळसीदेव, बरी, बाक आंदुर दा नळुकु तान वार्टुरी अदिक आकतींगेरी नोळाता कि आंदुर ह्यांग आर." 37 आग बरनबास यूहन्ना अक जो मरकुस कहलुस्तान, सांगुळ हुडोद विचार माळदुन. 38 १५:३८ प्रेरितगोळ १३:१३लेकीन पौलुस ईद वळ्लीद समसीदील कि आऊक तान सांगुळ हुळदेव, यतिकी यूहन्ना जो मरकुस कहलुसतान, पंफूलिया टु आंदुर हात्ती वापस हिंद तिर्गेगिदुन अदिक आंदुर स्यावा कार्य पुरा आगासताका आंदुर सांगुळ ईला ईरोन. 39 इदुर मा बरनबास अदिक पौलुस उन दा धोळ्द विरोध पैदा आगेत अदिक परिणाम ईद सिक्त कि आंदुर आपस दा आबुर दाबुर से अलग आगेदुर; बरनबास, मरकुस उक हुडुकु जहाज मा साइप्रस होटोदुन. 40 लेकीन पौलुस सीलास उक निवळुस कोंडुन, अदिक विश्वासी वार्टुर से परमेश्वर उन अनुग्रह दा कोटकु अल टु होटोदुन; 41 अदिक आव मंडलीगोळी संची माळतेला सीरिया अदिक किलिकिया टु आगतेला होट्टुन.