1 "आ समय महा स्‍वर्गदूत मीखाएल, जो नीन लॉकुर्द रक्षक-दूत आन, रक्षा अन्द साटी बंदान. अद संकट इन समय ईत्तीत. राष्ट्र इन उत्‍पत्ति टु हुळकु ईग ताका हिंग संकट यागलु आगीदील. लेकीन ईदा संकट-काल दा नीन लॉकुर्द उद्धार भी माळकु आदीत. या लॉकुर्द हेसुर परमेश्वर उन किताब दा लिख्‍सकु आव, आंदुर मुक्‍त माळकु आदार.*12:1 प्रकाशितवाक्य 7:14; 12:7; मत्ती 24:21; मरकुस 13:19 2 भूमी इन ल्‍यालमा कबर दा मिंगकु आर, आंदुर दा टु हापाळ येद्दार: थ्वाळासा मुंदुर इक शाश्‍वत जीवन प्राप्‍त आदीत, थ्वाळासा अक अपमान अदिक स्‍थायी घृणा अन्द पात्र बनसोद बिद्दीत.*12:2 यशायाह 26:19; मत्ती 25:46; यूहन्ना 5:29 3 जो ग्यानी लॉकुर आर, आंदुर आकाश इन ज्योति इन घाई चमकुस्यार, अदिक जो हापाळ मुंदरी धर्म इन हादी दी ओयतार आंदुर तारा अन घाई हमेशा चमकुस्तेला ईत्तार.