1 आग ना मात विचार माळदीन कि धरती मा याट अत्याचार आगतद, यार मा अत्याचार आगतद, आंदुर तान कण्ण इन नीर वाहुसतार, लेकीन आंदुर कण्ण इन नीर सिटावाळा याऊ ईरालुन. अत्याचार माळावाळेर हाती ताकत ईरोद, लेकीन कण्ण इन नीर वाहुसावाळेर हाती आंदरी दिलासा कोळावाळा भी ईला ईरोन. 2 अदिक ना घोषणा माळदीन कि जो पयले अच सोतोग्यार आंदुर ईग भी जित्ता आर, अदिक जित्तागोळ से येक्कुल खुश आर. 3 लेकीन सोतकु अदिक जीत्ता मंळसागोळ से धोड्डेव आन आव मंळसा याऊन जनम आगीदील, याव सूर्य अन ल्यालमा धरती मा माळकु आदव दुष्कर्मगोळी नोळीदील. 4 बाक ना नोळदीन कि सप्पा मेहनत अदिक सफल क्याल्सागोळी तान मान्ना हातळोर प्रति शत्रु-भावना देल माळकु आगतद. अत: ईद भी व्यर्थ आद, ईद मान्सी हवा अक हुडोद आद. 5 मूर्ख कय मा कय मंळ्सकु कुर्तकु ईरतान, आव मान्सी तान तान इक अच बरबाद माळतान. 6 ठ्वामा तीम मन इन चैन येढ्ढ ठ्वामा मेहनत देल श्रेष्ठ आद, जो मान्सी हवा अक हुडोद आद. 7 ना सूर्य अन ल्यालमा धरती मा मात्त बेकार मातगोळी नोळदीन: 8 यद्यपि मंळसा आबना आन, आऊन पार हैलेच, वार्ट हैलेच, तौभी आव हमेशा कमुस्तेला होगतान, आऊन मेहनत इन येनु अन्त हैलेच. आऊन कण्णगोळ धन-सम्पत्ति देल तृप्त आगालव. आव तान तान इक यागलु केळालुन, "ना ईद मेहनत यार साटी माळेतीन, अदिक येती खुद इक सुख-चैन देल वंचित माळेतीन?" ईद भी व्यर्थ आद, अदिक ऊंद दुखद कार्य व्यापार आद. 9 ऊंद से येढ्ढ वळ्लेर आगतार, यतिकी आंदरी आंदुर्द मेहनत इन वळ्लीद फल सिकतद. 10 अगर आंदुर दा टु ऊंद बिळतान रा दुसरा आऊक नेगु सकतान. दुख आऊक जो आबना आन! अगर आव बिदोदान रा आऊक यार नेगदार? 11 अगर येढ्ढु मुंदुर सांगुळ मिंग्यार रा आंदुर गरम ईत्तार. लेकीन आबना मंळसा तान तान इक ह्यांग गरम माळ सकतान? 12 प्रहार माळावाळा आबना मंळसा मा प्रबल आग सकतान, लेकीन येढ्ढ मंळसा आऊन सामना माळ सकतार. जो जाळी मुर धागागोळ देल गुंळ्सकु ईरतद, अद जल्दी हराल्द. 13 बुद्धिमान हारोदव पार गरीब ईत्तुर देल भी हिंग हाळाबाट्ट अदिक मूर्ख राजा से उत्तम आन, जो चेतावनी मानसालुन. 14 बाक चाहे हारोदव पार बंदीगृह टु होटकु राजा आगुल, चाहे आव तान राज्य दा गरीब पैदा आगुल. 15 ना सूर्य अन ल्यालमा धरती मा वयाळतेला सप्पा जीवगोळी आ दुसरा हारोदव मंळसा अन दी होगतेला नोळदीन, जो पयलेवाळा अन जागा ताकोंडान. 16 आऊन अनुगामिगोळ्द संख्या, यार्द आव नेतृत्व माळदुन, अगणित ईरोद. फिर भी बरावाळा पीढ़ी आऊन से प्रसन्न आगतीदील. अत: बिना संकोच ईद भी व्यर्थ आद, ईद मान्सी हवा अक हुडोद आद.
Publicidade