यूहन्ना 14

21 यार हात्‍ती नान आग्यागोळ आव अदिक आव अवरी मान्सतान, आवा नान से प्यार ईटतान; अदिक जो नान से प्यार ईटतान आऊन से नान आप्प प्यार ईट्यान, अदिक ना आऊन से प्यार ईटाईन अदिक तान तान इक आऊन मा प्रगट माळाईन." 22 आ यहूदा जो इस्करियोती ईला ईरोन, आऊन से अंदुन, "हे प्रभु, येन आत कि नी तान तान इक नाम मा प्रगट माळोद चाहासत्या अदिक दुनिया मा ईला?" 23 यीशु आऊक उत्‍तर कोट्टुन, "अगर यावारा नान से प्यार ईट्यान रा आव नान वचन इक मानस्यान, अदिक नान आप्प आऊन से प्यार ईट्यान, अदिक नाव आऊन हात्‍ती बंदेव अदिक आऊन सांगुळ वास माळेव. 24 जो नान से प्यार ईटालुन, आव नान वचन मानसालुन; अदिक जो वचन नीव केळतीर अद नांद ईला लेकीन आप्प उन हुन, याव नानी कळुदुन."