मत्ती 20

ऊंद मोय इन विनती

20 आग जब्दी इन पारगोळ्द मोय, तान पारगोळ सांगुळ यीशु उन हात्‍ती बंदकु प्रणाम माळदुर, अदिक आऊन से येनारा तरी बेळली कुरतुर.

21 यीशु आकिन से अंदुन, "नी येन चाहासत्या?"

आक आऊन से माताळदुर, "ईद वचन कोळ कि नानोर ई येढ्ढ चिकोर नीन राज्य दा ऊंद नीन ऊमा कय अदिक ऊंद नीन डाक्या कय दी कुरतार."

22 यीशु उत्‍तर कोट्टुन, "नीव जान्सालीर कि येन बेळेतीर. येन नीव अद प्याला कुडू सकतीर यदरी ना कुडोर मा आईन?"

आंदुर आऊन से अंदुर, "कुडू सकतेव."

23 आव आंदुर से अंदुन, "नीव नान प्याला रा कुळदीर, पर तान ऊमा कय अदिक डाक्या कय दी यारीकारा कुरसोद नान क्याल्सा आलच, लेकीन यार्द साटी नान आप्प उन दी टु तयार माळकु आग्याद, आंदुर दा साटी हुन."