1 seg emeqqar yuHenne y temettuθ elli yexθariθ rebbi, d idreriys elli neč exsexθen elkul s elHeq, w muc kan δ neč exsexθen yemenni elli essenen elHeq elkul. 2 εlexaTer elHeq mujuwd g ulewnenne, w eyeqqiym iδne ellexxer. 3 eyendeγ y nečin enneεmeθ d erreHmeθ d eslam deθkuwn iδne, seg rebbi deddaθne d yesuwε elmesiyH, s elHeq d exse.

4 w geddac iferHe max i zriyγ lebHaD n idrerix egguwren f elHeq emmax i xeniweSSe rebbi. 5 w ture eDelbe essim eθemettuθ temeHbubθ bac ayexs beεeDne beεD. w θah mehic δ elwSayeθ ettejδit emetterye ture, yemenni δ elwSayeθ θkan γenne seg elbδu. 6 w elmeεne n exse kan δ teyuwriθ g ebriδ n elwSayas, w elwSayeθdiyn max i tteslim seg elbδu netteθ eθuyuwrem g ebriδ n exse.

7 welan leεbeδ egget effeγen bac e nnen edwi δ elγaleĎ g kul blaSe, w diysen elli ettesθeεrifenc elli yesuwε elmesiyH yuseδ y elqeεεeθ s elbδen n elεebδ, wah eyendeγ erruwH n elεδu w g eDDed n elmesiyH! 8 erreθ elbelewwem bac e ltxesremc eθθemraθ n elxeδemtenne, yemenni bac e θerbHem ellejr δ elkamel 9 w elli eyeθεedde f edwi n elmesiyH w eliθebbeθc δiys, yetkunc rebbi iyδes. w elli eyeθbeθ f edwi n elmesiyH, eykuwn rebbi deddaθne d yesuwε memmis iyδes. 10 w iδekan yusδawem iyjen s edwi xlaf, etteqblemc γerwem w esθennemc: eslam fellex. 11 w elli eysellem felles eθicarex g elεmeyles θimuHacin.

12 w γeri elberceθ δ edwi exse exentterye yemenni elγisexc eykuwn δ elHbar f lewraq εlexaTer exse eddase etweliwwem usinc exennuθlaye uwδem y uwδem usinc eθkuwn elferHθenne ettelkamelt. 13 etselmen fellex idrari n weltmex elli δ temexθar γer rebbi.