1 যোহন 2

ঐশ্বৰিক সত্যতা আৰু প্ৰেমত থিৰে থাকিবলৈ উদগণি

12 হে প্রিয় সন্তানসকল,

যীচু খ্ৰীষ্টৰ নামৰ গুণে অাপোনালোকৰ পাপ ক্ষমা কৰা হ’ল;

এই কাৰণে মই আপোনালোকলৈ লিখিছোঁ৷ 13 হে পিতৃসকল,

মই আপোনালোকলৈ লিখিছোঁ,

কাৰণ যিজন আৰম্ভণিৰে পৰা আছে,

তেওঁক আপোনালোকে জানিলে;

হে যুৱকসকল, মই তোমালোকলৈ লিখিছোঁ,

কাৰণ তোমালোকে চয়তানক জয় কৰিলা৷ হে শিশুসকল,

মই তোমালোকলৈ লিখিলোঁ,

কাৰণ তোমালোকে পিতৃ ঈশ্বৰক জানিলা৷ 14 হে পিতৃসকল,

যিজন আদিৰে পৰা আছে,

তেওঁক আপোনালোকে জানিছে;

এই কাৰণে মই অাপোনালোকলৈ লিখিলোঁ।

হে ডেকাসকল তোমালোক বলৱন্ত আৰু ঈশ্বৰৰ বাক্য তোমালোকৰ অন্তৰত আছে আৰু তোমালোকে চয়তানক জয় কৰিছা;*2:14 ইফি 6:10-13; 1 পি 5:8, 9

এই কাৰণে মই তোমালোকলৈ লিখিলোঁ।

15 আপোনালোকে জগতক বা জগতত থকা বিষয়বোৰক প্ৰেম নকৰিব; কোনোৱে যদি জগতক প্ৰেম কৰে, তেনেহলে পিতৃ ঈশ্বৰৰ প্ৰেম তেওঁৰ অন্তৰত নাই।*2:15 যাক 4:4