মথিয়ে লিখা শুভবাৰ্তা 12

ফৰীচী সকলে যীচুৰ ওচৰত চিন বিচৰা

38 তাৰ পাছত কেইজনমান বিধানৰ অধ্যাপক আৰু ফৰীচীয়ে যীচুক উত্তৰ দি ক’লে, "হে গুৰু, আমি আপোনাৰ পৰা চিন হিচাপে এটা পৰাক্ৰম কাৰ্য চাবলৈ ইচ্ছা কৰোঁ।" 39 কিন্তু যীচুৱে উত্তৰ দি তেওঁলোকক ক’লে, "এই যুগৰ দুষ্ট আৰু ব্যভিচাৰী *12:39 ঈশ্বৰক বিশ্বাস নকৰা লোক, লোক*12:39 যাকো. 4:4 সকলে পৰাক্ৰম কাৰ্যৰ চিন বিচাৰে; কিন্তু যোনা ভাববাদীৰ চিনৰ বাহিৰে আন কোনো চিন তেওঁলোকক দেখুওৱা নহব। 40 যোনা যেনেকৈ তিনি দিন তিনি ৰাতি ডাঙৰ মাছৰ পেটৰ ভিতৰত আছিল, তেনেকৈ মানুহৰ পুত্ৰও তিনি দিন তিনি ৰাতি মাটিৰ তলত থাকিব।