মথিয়ে লিখা শুভবাৰ্তা 9

দুজন অন্ধ আৰু এজন বোবাক সুস্থ কৰা

27 যীচু তাৰ পৰা যাওঁতে দুজন অন্ধ লোক তেওঁৰ পাছে পাছে গ’ল। তেওঁলোকে চিঞৰি চিঞৰি কবলৈ ধৰিলে, "হে দায়ুদৰ বংশৰ সন্তান, আমাক দয়া কৰক।" 28 পাছত যীচু যেতিয়া ঘৰ আহি পালে, সেই অন্ধ দুজন তেওঁৰ ওচৰলৈ আহিল। তেতিয়া যীচুৱে তেওঁলোকক সুধিলে, "মই এই কম কৰিব পাৰোঁ বুলি তোমালোকে বিশ্বাস কৰা নে?" তেওঁলোকে তেওঁক ক’লে, "হয় প্ৰভু, কৰোঁ।" 29 তেতিয়া তেওঁ তেওঁলোকৰ চকু চুই ক’লে, "তোমালোকে যেনেদৰে বিশ্বাস কৰিছা, তোমালোকৰ প্রতি সেইদৰেই হওক।" 30 সেই মুহুর্ততে তেওঁলোকৰ চকু মুকলি হ’ল। তাৰ পাছত যীচুৱে তেওঁলোকক কঠোৰভাৱে সাৱধান কৰি দি ক’লে, "চাবা, এই বিষয়ে যেন কোনেও নাজানে।" 31 কিন্তু তেওঁলোকে ওলাই গৈ সেই এলেকাৰ সকলো ঠাইতে এই বিষয়ে কৈ ফুৰিলে।