નીતિવચનો 2

જ્ઞાનનો પુરસ્કાર

1 મારા દીકરા, જો તું મારાં વચનોનો સ્વીકાર કરશે

અને મારી આજ્ઞાઓને તારી પાસે સંઘરી રાખીને,

2 ડહાપણની વાત સાંભળશે

અને બુદ્ધિમાં તારું મન કેન્દ્રિત કરશે;

3 જો તું વિવેકબુદ્ધિને માટે પોકાર કરશે

અને સમજણ મેળવવાને માટે ખંત રાખશે;

4 જો તું ચાંદીની જેમ તેની શોધ કરશે

અને સંતાડેલા ખજાનાની જેમ તેને શોધશે;

5 તો તને યહોવાહના ભયની સમજણ પડશે

અને તને ઈશ્વરનું ડહાપણ પ્રાપ્ત થશે.

6 કેમ કે યહોવાહ ડહાપણ આપે છે,

તેમના મુખમાંથી ડહાપણ અને સમજણ વ્યક્ત થાય છે.