નીતિવચનો 31

13 તે ઊન અને શણ ભેગું કરે છે,

અને ખંતથી પોતાના હાથે કામ કરવામાં આનંદ માણે છે.

14 તે દૂરથી પોતાનું અન્ન લઈ આવનાર,

વેપારીના વહાણ જેવી છે.

15 ઘરનાં સર્વને માટે ખાવાનું તૈયાર કરવા તે પરોઢ થતાં પહેલાં ઊઠી જાય છે

અને તેની દાસીઓ માટે દિવસભરના કામનું આયોજન કરે છે.

16 તે કોઈ ખેતરનો વિચાર કરીને તેને ખરીદે છે,

પોતાના નફામાંથી તે પોતાને હાથે દ્રાક્ષવાડીઓ રોપે છે.

17 પોતાની કમરે તે ખડતલ અને ભારે ઉધમી છે,

તે પોતાના હાથ બળવાન કરે છે.

18 તે પોતાના વેપારના નફાનો ખ્યાલ રાખે છે;

તેથી રાતભર તેનો દીવો હોલવાતો નથી.

19 તે એક હાથે પૂણી પકડે છે

અને બીજે હાથે રેંટિયો ચલાવે છે.

20 તે ગરીબોને ઉદારતાથી આપે છે;

અને જરૂરિયાતમંદોને છૂટે હાથે મદદ કરે છે.