Provérbios 4

જ્ઞાનની ફળપ્રાપ્તિ

1 દીકરાઓ, પિતાની શિખામણ સાંભળો,

સમજણ મેળવવા માટે ધ્યાન આપો.

2 હું તમને ઉત્તમ બોધ આપું છું;

મારા શિક્ષણનો ત્યાગ કરશો નહિ.

3 જ્યારે હું મારા પિતાનો માનીતો દીકરો હતો,

ત્યારે હું મારી માતાની દૃષ્ટિમાં સુકુમાર તથા એકનોએક હતો,

4 ત્યારે મારા પિતાએ મને શિક્ષણ આપીને કહ્યું હતું કે,

"તારા હૃદયમાં મારા શબ્દો સંઘરી રાખજે

અને મારી આજ્ઞાઓ પાળીને જીવતો રહે.

5 ડહાપણ પ્રાપ્ત કર, બુદ્ધિ સંપાદન કર;

એ ભૂલીશ નહિ અને મારા મુખના શબ્દ ભૂલીને આડે માર્ગે વળીશ નહિ.

6 ડહાપણનો ત્યાગ ન કરીશ અને તે તારું રક્ષણ કરશે,

તેના પર પ્રેમ રાખજે અને તે તારી સંભાળ રાખશે.