નીતિવચનો 4

5 ડહાપણ પ્રાપ્ત કર, બુદ્ધિ સંપાદન કર;

એ ભૂલીશ નહિ અને મારા મુખના શબ્દ ભૂલીને આડે માર્ગે વળીશ નહિ.

6 ડહાપણનો ત્યાગ ન કરીશ અને તે તારું રક્ષણ કરશે,

તેના પર પ્રેમ રાખજે અને તે તારી સંભાળ રાખશે.

7 ડહાપણ એ ખૂબ જ મહત્વની બાબત છે, તેથી ડહાપણ પ્રાપ્ત કર

અને તારું જે કંઈ છે તે આપી દે, એનાથી તને બુદ્ધિ પ્રાપ્ત થશે.

8 તેનું સન્માન કર અને તે તને ઉચ્ચ પદવીએ ચઢાવશે;

જ્યારે તું તેને ભેટશે, ત્યારે તે તને પ્રતિષ્ઠિત કરશે.