Provérbios 5

8 તમારા માર્ગો તેનાથી દૂર રાખો

અને તેના ઘરના બારણા પાસે પણ જશો નહિ.

9 રખેને તું તારી આબરુ બીજાઓને

અને તારા જીવનનાં વર્ષો ઘાતકી માણસોને સ્વાધીન કરે;

10 રખેને તારા બળથી પારકા તૃપ્ત થાય,

અને તારી મહેનતનું ફળ પારકાના કુટુંબને મળે.

11 રખેને તારું માંસ અને તારું શરીર ક્ષીણ થાય

અને તું અંત સમયે વિલાપ કરે.

12 તું કહીશ કે, "મેં કેવી રીતે શિખામણનો ધિક્કાર કર્યો છે

અને મારા હૃદયે ઠપકાને તુચ્છ ગણ્યો છે!

13 હું મારા શિક્ષકોને આધીન થયો નહિ

અને મેં મને શિક્ષણ આપનારાઓને સાંભળ્યા નહિ.

14 મંડળ અને સંમેલનોમાં

હું સંપૂર્ણપણે પાપમય થઈ ગયો હતો."