નીતિવચનો 6

6 હે આળસુ માણસ, તું કીડી પાસે જા,

તેના માર્ગોનો વિચાર કરીને બુદ્ધિવાન થા.

7 તેના પર કોઈ આગેવાન નથી,

કોઈ આજ્ઞા કરનાર નથી, કે કોઈ માલિક નથી.

8 છતાંપણ તે ઉનાળાંમાં પોતાનાં અનાજનો,

અને કાપણીની ઋતુમાં પોતાના ખોરાકનો સંગ્રહ કરે છે.

9 ઓ આળસુ માણસ, તું ક્યાં સુધી સૂઈ રહેશે?

તું ક્યારે તારી ઊંઘમાંથી ઊઠશે?

10 તું કહે છે કે "હજી થોડોક આરામ, થોડીક ઊંઘ,

અને પગ વાળીને થોડોક વિશ્રામ લેવા દો."

11 તો તું જાણજે કે ચોરની જેમ અને

હથિયારબંધ લૂંટારાની જેમ ગરીબી તારા પર ત્રાટકશે.