यहेज्केल 18:2-4,20

Em outras traduções

1. OMRCV Marathi Contemporary Version

   2 "याचा अर्थ काय जेव्हा तुम्ही इस्राएल देशात ही म्हण वापरता:

   " ‘आईवडिलांनी आंबट द्राक्षे खाल्ली,

   आणि लेकरांचे दात आंबले’?

   3 "सार्वभौम याहवेह जाहीर करतात, माझ्या जिवाची शपथ यापुढे तुम्ही इस्राएलमध्ये या म्हणीचा उपयोग करणार नाही. 4 कारण सर्वजण माझे आहेत, आईवडील व लेकरे; दोघेही एकसारखे माझेच आहेत. जे पाप करतील तेच मरतील.

   20 जो पाप करतो तोच मरेल. आपल्या आईवडिलांचा दोष त्यांची संतती वाहणार नाही किंवा आईवडील आपल्या संततीचा दोष वाहणार नाहीत. नीतिमानाचे नीतिमत्व त्यांच्यासाठी मोजले जाईल आणि दुष्टाची दुष्टता त्यांच्याविरुद्ध मोजली जाईल.