João 5

बेथसैदा तळ्याजवळचा पंगू मनुष्य

1 त्यानंतर यहूद्यांचा सण होता आणि येशू यरूशलेम शहरास वर गेला. 2 यरूशलेम शहरास, मेंढरे दरवाज्याजवळ एक तळे आहे, ज्याला इब्री भाषेत बेथेसदा म्हणतात, त्याच्याजवळ पाच पडव्या आहेत. 3 त्यामध्ये रोगी, आंधळे, लंगडे, लुळे यांचा मोठा समुदाय पडलेला असे. 4 कारण की देवदूत वेळोवेळी तळ्यांत उतरून पाणी हलवत असे आणि पाणी हलवल्यानंतर त्यामध्ये प्रथम जो जाईल त्यास कोणताही रोग असला तरी तो बरा होत असे. 5 तेथे अडतीस वर्षांपासून आजारी असलेला कोणीएक मनुष्य होता. 6 येशूने त्यास पडलेले पाहिले व त्यास तसे पडून आता बराच काळ लोटला हे ओळखून त्यास म्हटले, "तुला बरे होण्याची इच्छा आहे काय?" 7 त्या आजारी मनुष्याने त्यास उत्तर दिले, "साहेब, पाणी हालविले जाते तेव्हा मला तळ्यात सोडायला माझ्याजवळ कोणी नाही; आणि मी जातो न जातो तोच दुसरा कोणीतरी माझ्या आधी उतरतो." 8 येशू त्यास म्हणाला, "ऊठ, आपली बाज उचलून घेऊन चालू लाग."

9 लगेच तो मनुष्य बरा झाला व आपली बाज उचलून चालू लागला.

तो दिवस शब्बाथ दिवस होता.