मत्तय 9

2 तेव्हा काही लोकांनी पक्षघात झालेल्या कोणाएका मनुष्यास येशूकडे आणले. तो मनुष्य बाजेवर पडून होता. येशूने त्यांचा विश्वास पाहून त्या पक्षघाती मनुष्यास म्हटले, "मुला, धीर धर. तुझी पापे क्षमा करण्यात आली आहेत." 3 काही नियमशास्त्राच्या शिक्षकांनी हे ऐकले आणि ते आपसात म्हणाले, "हा मनुष्य तर देवाविरुद्ध दुर्भाषण करीत आहे." 4 येशूला त्यांचे विचार कळाले व तो त्यांना म्हणाला, "तुमच्या अंतःकरणात तुम्ही वाईट विचार का करता? 5 कारण, तुझी पापे क्षमा करण्यात आली आहे, असे म्हणणे किंवा उठ व चालू लाग, असे म्हणणे यातून कोणते सोपे आहे? 6 परंतु, मनुष्याच्या पुत्राला पृथ्वीवर पापांची क्षमा करण्याचा अधिकार आहे, हे तुम्ही जाणावे म्हणून," मग येशू त्या पक्षघाती मनुष्यास म्हणाला, "ऊठ! आपली बाज उचलून घेऊन घरी जा." 7 मग तो उठून आपल्या घरी गेला.