13 ତିଆଡିଡ୍‌ ଜିଉଦିମରଞ୍ଜି ଆନେଲାୟ୍‌ପୁର୍‌ ତୁୟାଲେ ପାଙ୍‌ଲାୟ୍‌, ଆରି ଜିସୁନ୍‌ ଜିରୁସାଲମନ୍‌ ଜିରେନ୍‌ । 14 ଆରି, ସରେବାସିଂଲୋଙନ୍‌ ତାଙ୍‌ଲିୟନ୍‌, ମେଣ୍ଡାନ୍‌ ଆରି କୁକ୍କୁର୍‌ ବେପାରମରଞ୍ଜି ଆରି ବାର୍‌ବାର୍‌ଡାବ୍‌ମରଞ୍ଜି ତଙ୍କୁମ୍‌ଲେ ଆଡ୍ରକୋଲଞ୍ଜି ଆନିନ୍‌ ଗିଜେଞ୍ଜି । 15 ଆରି ଜିସୁନ୍‌ ଲୁଆଡନ୍‌ ବାତ୍ତେ ଅବୟ୍‌ ସାମକାନ୍‌ ତୁବ୍‌ଲେ ମେଣ୍ଡାଞ୍ଜି ଡ ତାଙ୍‌ଲିୟଞ୍ଜି ଅଡ଼୍‌କୋନ୍‌ ଅମ୍‌ଡୁଙାଜେଞ୍ଜି, ଆରି ବାର୍‌ବାର୍‌ଡାବ୍‌ମରଞ୍ଜି ଆ ଡାବ୍ବୋ ବୁର୍ବୁରାୟ୍‌ଡାଲେ ଆ ମେଜଞ୍ଜି ସବ୍‌ଡିଡାଜେନ୍‌ । 16 ଆରି ଆନିନ୍‌ କୁକ୍କୁର୍‌ ତମ୍‌ତମ୍‌ନେମରଞ୍ଜିଆଡଙ୍‌ ବରେଞ୍ଜି, "କେନ୍‌ଆତେଜି ତେନ୍ନେ ସିଲଡ୍‌ ପାଙ୍‌ବା, ଆପେୟ୍‌ଞେନ୍‌ ଆସିଂ ବେପାରସିଂ*୨:୧୬ ସରେଁୟ୍‌ତାସିଂ ଏଏମ୍ମେଡଙ୍‌ ।" 17 କେନ୍‌ଆତେ ଗିୟ୍‌ଲେ ଆ ଞଙ୍‌ନେମରଞ୍ଜି ସାସ୍ତ୍ରଲୋଙନ୍‌ ଆଇଡିଡନ୍‌ ଅବୟ୍‌ ବର୍ନେନ୍‌ ମନ୍ନେଏଞ୍ଜି, "ଅସିଂନମ୍‌ ଆସନ୍‌ ଅନୋମଙ୍‌ଞେନ୍‌ ଅମ୍ମଲୋଙ୍‌ଞେନ୍‌ ତଗୋନ୍‌ ଅନ୍ତମ୍‌ ଡୁଡୁତେ ।"