ဧလိရှဲ၏နိမိတ်လက္ခဏာများ
19 ထိုမြို့သားတို့က၊ ကိုယ်တော်မြင်တော်မူသည်အတိုင်း၊ ဤမြို့တည်ရာအရပ်သည် သာယာပါ၏။ သို့ရာတွင် ရေမကောင်း၊ မြေလည်း ကိုယ်ဝန်ပျက်စေတတ်ပါသည်ဟု ဧလိရှဲအားလျှောက်ကြလျှင်၊ 20 ဧလိရှဲက၊ ဘူးသစ်တစ်လုံးကို ဆားထည့်၍ ယူခဲ့ကြလော့ဟုဆိုသည်အတိုင်း ယူခဲ့ကြ၏။ 21 ဧလိရှဲသည် စမ်းရေတွင်းသို့သွား၍ ဆားကိုခတ်လျက်၊ ထာဝရဘုရားမိန့်တော်မူသည်ကား ဤရေကိုငါချိုစေ၏။ နောက်တစ်ဖန် သေစေမည်အကြောင်း၊ ကိုယ်ဝန်ပျက်စေမည်အကြောင်းကို မပြုရဟု၊ 22 ဧလိရှဲဆင့်ဆိုသောအမိန့်တော်အတိုင်း ထိုရေသည် ယနေ့တိုင်အောင် ချိုလေ၏။