లూకా 9

జీసు గొచ్చితక్కి రాంద హీనయి

10 అపొస్తుయఁ వెండె వాహఁ తాంబు కినఅ ఏవణఇఁ పుఁణ్బికిత్తెరి, ఎచ్చెటిఎ ఏవసి ఏవరి జేచొ ఓహిఁ బేత్సయిదా ఇన్ని నాయుఁత రొఒసిఎ హచ్చెసి. 11 నోరొ ఈ కత్త పుంజహఁ ఏవరి జీసుఇఁ హెండలి ఎంబఅఁ హచ్చెరి, ఏవసి ఏవరఇఁ ఓపిసహఁ మహపురు రాజితి పాయిఁ వెస్సహఁ రోగొగట్టరఇఁ నెహిఁకిత్తెసి.

12 మిలొఒడ ఆహి మచ్చటి బారొజాణ సిసుయఁ ఏవణి దరి వాహఁ, మారొ పాడుజాడ రాజిత మన్నయి, ఈవరి బర్రెజాణ సుట్టు మన్ని నాస్కణ, వలహఁ వాడియఁ హజ్జహఁ లాఅఁ బస్సకిహఁ రాంద పర్రలితక్కి ఈవరఇఁ పండితెసి.

13 జీసు ఏవరితొల్లె "తింజలి ఏన్నఅపట్టె హీదు."

ఏవరి మాతాణ పాసగొట్ట రొట్టెయఁ రీ మీను దెహెఁ మన్ను మాంబు హజ్జహఁ బర్రెతి కోసొమి రాంద కొడ్డహఁ అస్సవాహలి ఉద్దేసొమికి? ఇచ్చెరి. 14 ఎంబఅఁ ఆబలంగెఎ పాసమాణ జాణ మన్నెరి,

ఏవసి "ఏవరఇఁ దుయికొడి దొస్సొలక తచ్చహఁ కుగ్గికిద్దు" ఇంజిహిఁ సిసుయఁతొల్లె వెస్తెసి.

15 ఏవరి ఎల్లెకిహిఁ బర్రెతిఇఁ కుగ్గికిత్తెరి, 16 ఎచ్చెటిఎ ఏవసి ఏ పాసగొట్ట రొట్టెయఁణి జోడెక మ్ణీక కొడ్డితెసి, హాగుబకి సినికిహఁ, మహపురుఇఁ జొహొరకిహఁ ఏవఅఁతి ఆసీర్వాదొమికిహఁ, ఏవఅఁతి తన్ని సిసుయఁకి హీహఁ లోకుతక్కి బాటికిద్దు ఇచ్చెసి. 17 బర్రెజాణ ఉస్కితిరె తిచ్చెరి, ఏ డాయు సిసుయఁ హారితి రాందతి బారొ దొడ్వ నెంజె నెస్తెరి.