Lucas 9

38 ఏ లోకుతక్కి రొఒసి, "జాప్నతి, నా మీరెఎణఇఁ సినికిము ఇంజిహిఁ ఏవణఇఁ బతిమాలిహిఁ ఈవసి నంగెతక్కి రొఒసిఎ మీరెఎసి! 39 సినికిము రొండి బూతొ ఏవణఇఁ అస్తె. ఏది ఏవణఇఁ అస్తిసరి ఏవసి పునఅఁరేటు గట్టికిల్లెడి కిన్నెసి. ఏది ఎచ్చెటిఎ ఏవణి గూతిటి పొంబొలి వానిలెహెఁ గజగజవీట్హిఁ గాయాఁకీహిఁ ఏవణఇఁ పిస్సహఁ హచ్చె. 40 ఏదాని పేర్హఁ పండము ఇంజిహిఁ నీ సిసుయణి బతిమాలితెఎఁ సమ్మ ఏదని ఏవరి మాంబు పేర్హలి ఆడఅతొమి ఇంజిహిఁ వెస్తెసి."

41 జీసు, "నమ్మకొము హిల్లఅ మూర్కొమిగట్టి పాటుతతెరి! నాను ఎచ్చెక కాల పత్తెక మీతొల్లె మంజహఁ మిమ్మఅఁ ఓర్హఇ?" ఇంజిహిఁ, నీ మీరెఎణఇ తచ్చిహిఁ వాము ఇంజిహిఁ ఏ తంజితొల్లె వెస్తెసి.

42 ఏవసి వాహిఁమచ్చటి ఏ లగ్గెఎతి ఆత్మ ఏవణఇఁ తోజొ త్రొక్హాఁ ఓడె డగ్గికిత్తె. జీసు ఏ బూతొతి హెల్లొ హిహఁ ఏ ఊణ కొక్కణిడాలుఇఁ నెహిఁకిహఁ ఏవణి తంజికి హెర్పితెసి.

జీసు ఓరొబేడ తన్ని హాకి పాయిఁ వెస్తెసి

43 ఎంబఅఁ బర్రెజాణ మహపురు బ్డాయుతి మెస్సహఁ కబ్బఆతెరి. జీసు తన్ని సిసుయఁని వెస్సీమచ్చటి ఏదఅఁ పాయిఁ కిర్కాణ సక్రి వెస్పిఆహిమచ్చెరి,