୧ କରନ୍ତିୟ 15

45 ଦର୍ମଶାସ୍ତ୍ରତାଗ୍ ଲେକ୍‍ତାଦ୍ ମିନ୍ଦେ, "ମୁନେନ୍ ଆଦମ୍ ଅଣ୍ଡୟ୍‌ ଜିୱେ ପଶୁ ଲେକାମ୍ ତିଆର୍ ଆସ୍ ମାତ୍‍ତଣ୍ଡ୍ ।" ପେର୍କେତ୍‌ ଆଦମ୍ ମାତ୍‍ତଣ୍ଡ୍, ଜିୱେମାନ୍ଦାନ୍‌ ଆତ୍ମା ଆତ୍‌ତନ୍‌। 46 ମୁନେନ୍‍କନ୍ସ୍ ଆତ୍ମିକ ବିଷୟ୍ ଇଲ୍‍ୱେମାତ୍‍ତେ । ମୁନେନ୍ ବାତ୍ ମାତ୍‍ତେ ଆଦ୍ ପ୍ରାକୃତିକ୍, ତାନ୍‍ପେର୍କେ ୱାତ୍‍ତେ ଆତ୍ମିକ ବିଷୟ୍ । 47 ମୁନେତ୍ ନାରୁଡ଼୍ ଆଦମ୍ ମାତ୍‍ତଣ୍ଡ୍ ପୃତିବିତଣ୍ଡ୍, ମାଣ୍ଡୁଲ୍‍ତଡ଼୍ ତିୟାର୍‍ ଆତ୍‍ତଣ୍ଡ୍; ଇତ୍‍କେ ଦ୍ୱିତୀୟ୍ ଆଦମ୍ ସ୍ୱର୍ଗତାଗାଙ୍କ୍ ଡିଗ୍‍ତଣ୍ଡ୍ । 48 ପୃତିବିତେ ନାରୁଡ଼୍ ସାରେତଡ଼୍ ଆଦ୍ ମାଣ୍ଡୁଲ୍‍ତଡ଼୍ ତିୟାର୍‍ ଆତ୍‍ତେ ନାରୁଡ଼୍ ଲେକାମ୍ । ଇତ୍‍କେ ସ୍ୱର୍ଗତଡ଼୍ ସ୍ୱବାବ୍‍ତେ ନାରୁଡ଼୍ ଆଦ୍ ସ୍ୱର୍ଗତଣ୍ଡ୍ ନାରୁଡ଼୍ ଲେକାମ୍ । 49 ମାନାଡ଼୍ ଇଞ୍ଜେ ମାଣ୍ଡୁଲ୍‍ତଡ଼୍ ତିୟାର୍ ଆତ୍‍ତେ ନାରୁଡ଼୍ ଲେକାମ୍ ପୁଟୁଙ୍କ୍ ପୟ୍‍ସ୍ ମିନ୍ଦେ, ଇତ୍‍କେ ଅନ୍‌‍ଦିନେ ଆଦ୍ ସ୍ୱର୍ଗତଣ୍ଡ୍ ମାନେୟ୍‍ତେ ଲେକାମ୍ ପୁଟୁଙ୍କ୍ ଆଦ୍‍ତାଡ଼୍ ।