କ୍ରିଷ୍ଟିୟାନ୍ ଦାଦାଲଡ଼୍ ବିରଦ୍ଦତେ ମାଟା
1 ମିଇ ଲୋପେ ବେନଡ଼୍ ୱେରତର୍ ପର୍ର କପାମ୍ ମାଡ଼ ମାତ୍କେ ଉନ୍ କି ବିଚାର୍ ମାଇଦିଙ୍କ୍ ପବିତ୍ର ସାଦୁନାରୁଡ଼୍ ଗାର୍ରେ ଆନକଟ ଅଦାର୍ମିକ୍ ନାରୁଡ୍ ଗାର୍ରେ ଆନ୍ଦାନଙ୍କ୍ ଦମ୍ କିୱେଣ୍ଡ୍ ? 2 ଆଦ୍ ସାଦୁନାରୁଡ଼୍ ଯେ ପବିତ୍ର ବୁମ୍ତାଦ୍ ବିଚାର୍ କିତ୍ତଡ୍, ଇ ଗଟି କି ମିଡ଼୍ ବେଲା ପୁନ୍ୱିନ୍ ? ମେଣ୍ଡେ ଯଦି ବୁମ୍ ମିଇ ତଡ଼୍ ବିଚାରିତ ଆତ୍ତା, ବାତା ମିଡ଼୍ କି ସୁଡୁ ସୁଡୁ ବିଷୟ୍ ବିଚାର୍ କିଦାନଙ୍କ୍ ବେସୁଙ୍କ୍ ଆୟ ? 3 ମାନାଲ୍ ଯେ ଦୂତକିଙ୍କ୍ ବିଚାର୍ କିତ୍ତାଲ୍ ଇଦ୍ ବେଲା ମିଡ଼୍ ପୁନ୍ୱିଡ଼୍ ? ଆଲେକେ ଜଗତ୍ତାଦ୍ ବିଚାର୍ ମାଡ଼ାନାଦ୍ ମାକିଂଙ୍କ୍ ଗାଟି ସହଜ୍ ଆୟ୍ୟ କି ? 4 ଆଲେକ୍ ଇନ୍ଜେତ୍ ଜିୱୁତ୍ ମାଟ୍ଟା ବା ବାତା ? ଆଦିନ୍ମାଇଦିଙ୍କ୍, ଯଦି ବିଚାର୍ ମାଇଦିଙ୍କ୍ ମିୟାଦ୍ ଇଞ୍ଜେତ୍ ଜିୱୁଲେକାତ୍ ବାତାଆୟି ବିଷୟ୍ ମାନ୍ତା, ଆଲେକ୍ ମଣ୍ଡଲିତେ ବେନଡ଼୍ ନଗଣ୍ୟ, ଅଡ଼୍କିଂଙ୍କ୍ ବାତା ବିଚାର୍ କିଦାନ୍ ମାଇଦିଙ୍କ୍ ତିଆର୍ ମାଡ଼୍ୱିଡ଼୍ ? 5 ନାନ୍ ମିକିଙ୍କ୍ ସିଗ୍ ଇଦାନ୍ ମାଇଦିଙ୍କ୍ କେସ୍ ମିନ୍ଦେନ୍ । ଦାଦାଲ୍ ତାମୁଣ୍ଡ୍ ଲୋପେ ମୀମାଂସା ମାଡ଼ାନଙ୍କ୍ ଇଚ୍ଛା, ଇଦ୍ଲେକାମ୍ ବାତା ୱେରଣ୍ଡ୍ ଜ୍ଞାନି ନାରୁଡ଼୍ ନିଜାମ୍ ମିୟାଗ୍ ଇଲେର୍ ?
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)