16 ଅଡ଼୍ ଲେକ୍ତେ ଚିଟିନାଗ୍ ଇଦ୍ ବିଷୟତେ ଅଣ୍ଡ୍ ଲେକ୍ତଣ୍ଡ୍ । ଆଲେକ୍ତ ଅନ୍ ଚିଟିନାଗ୍ ବେସର୍ ବିଷୟ ବୁଜେମ୍ ଆଦାଙ୍କ୍ କଷ୍ଟ ଆଦ୍ତେ । କିନ୍ତୁ ମୁର୍କ ନୁ ଦାନ୍ଦେ ଲେକେତ୍ ନାରୁଡ଼୍ ଶାସ୍ତ୍ରତାଦ୍ ବାଗାତ୍ ଦୁଡ଼େ ଲେକାମ୍ ପାଉଲ୍ତେ ଚିଟିନାଗ୍ ମିକା କାରାପ୍ ଅର୍ତ ମାଡ଼ିତଡ଼୍ । ଇଦିନ୍ ତଡ଼୍ ଅଡ଼୍ ନିଜେ ନିଜର୍ ବିନାଶ୍ ସାଦନ୍ ମାଡ଼ୁତଡ଼୍ ।
17 କିନ୍ତୁ ପ୍ରିୟ ସାଙ୍ଗନଡ଼ି, ମିଡ଼୍ ଇୱୁସାରେ ମୁନେକଞ୍ଜ୍ ପୁତ୍ତିଡ଼୍ । ଆଦିଙ୍କ୍ ସାବ୍ଦାନ୍ତେ ମାନୁଟ୍, ବେଲାକି ଆ କାରାପ୍ ନାରୁଡ଼୍ତେ ବୁସା ଶିକ୍ଷାତଡ଼୍ ଚାଲେମ୍ ଆସ୍ ନିଜର୍ ଦୃଡ଼ ବିଶ୍ୱାସ୍ତାଗାଙ୍କ୍ ଜେକେ ଆନ୍ମାଟ୍ ।