ମେଣ୍ଢା ନୁ ଆୱିଙ୍କ୍ ଉଡ଼ାନଣ୍ଡ୍
1 ୧୪:୧ ପ୍ରକାଶିତ୍ ବାକ୍ୟ ୭:3. ତାନ୍ପେର୍କେ ନାନେ ଉଡ଼୍ତାନ୍, ମେଣ୍ଢା ସିୟୋନ୍ ମେଟେତ୍ ପରୁ ନିସ୍ମିନ୍ଦେ । ଆୱିନ୍ତଡ଼୍ ଅଣ୍ଡୟ୍ ଲକ୍ଷ ଚରାଳିଶ୍ ହଜାର୍ ଜାନ୍ ନାରୁଡ଼୍ ମାତ୍ତଡ଼୍ । ଅଡ଼୍ ମୁଞ୍ଜିନାଗ୍ ମେଣ୍ଢା ନୁ ତାମ୍ ବାବାନ୍ ପେଦେର୍ ଲେକିମାତ୍ତଡ଼୍ । 2 ତାନ୍ପେର୍କେ ନାନେ କେଞ୍ଜ୍ତାନ୍, ଏର୍ ପ୍ରପାତ୍ ନୁ ବଜ୍ରନାଦ୍ ଲେକାମ୍ ସ୍ୱର୍ଗତାଗାଙ୍କ୍ ୱେରଡ଼୍ ଲେଙ୍ଗ୍ । ଡ଼ଲା ପେଞ୍ଚ ମାନ୍ଦାନ୍ ବିଣା ଜଙ୍କାର୍ ଲେକାମ୍ ମିକା ଆଗ୍ କେଞ୍ଜାନଙ୍କ୍ ଆୟନୁଡ଼୍ । 3 ପୃତିବିତେ ଆ ଅଣ୍ଡୟ୍ ଲକ୍ଷ ଚରାଳିଶ୍ ହଜାର୍ ଜାନ୍ ସ୍ୱର୍ଗସିଂହାସନ୍, ନାଆଲୁ ପଶୁ ନୁ ମଣ୍ଡଲିତେ ବୟସ୍ତେ ନେତାଲଡ଼୍ ମୁନେ ନିତ୍ତଡ଼୍ । ଅଡ଼୍ ପୁନେ ପାଟେ ପାରାନଙ୍କ୍ ପାର୍ୱେ ମାତ୍ତଡ଼୍ । ସାରେ ମାନବ୍ ଜାତି ନାଗାଙ୍କ୍ ମାତର୍ ଅଡ଼୍କେ ମୁକ୍ତି ପାଏମ୍ ଆତ୍ତଡ଼୍ । 4 ଅଡ଼୍ ମୁତେନ୍ ସଂସର୍ଗ ତଡ଼୍ ନିଜେତିଙ୍ଗ୍ ବେସୁଙ୍କ୍ କଲୁସିତ ମାଡ଼୍ୱେ ମାତ୍ତଡ଼୍ ଅଡ଼୍ ପବିତ୍ର ମାତ୍ତଡ଼୍ । ଅଡ଼୍ ସାରେଦାମ୍ ମେଣ୍ଢାକିନ୍ ପେର୍କେ ଆଞ୍ଜମାତ୍ତଡ଼୍ । ଅଡ଼୍ ନାରୁଡ଼୍ ଆଗାଙ୍କ୍ ମୁନେ ମୁକ୍ତି ସେଙ୍ଗେ ଇଶ୍ୱର୍ ନୁ ମେଣ୍ଢାକିନ୍ ପାକେ ଉତ୍ସର୍ଗିତ ଆସ୍ ମିନ୍ଦେଡ଼୍ । 5 ଅଡ଼୍ ବେସୁଙ୍କ୍ ମିଚ୍ କେତାନାଦ୍ ତନ୍ନ୍ଦ, ଅଡ଼୍ ସମ୍ପର୍ଣ୍ଣତେ ନିର୍ଦୋଷ୍ ।