28 ଇଞ୍ଜେ ସାରେ ବିଷୟ୍ ଶେଷ୍ ଆଦ୍‍ତେ, ଜିସୁ ଇଦ୍ ପୁତ୍‍ତଣ୍ଡ୍ । ଦର୍ମଶାସ୍ତ୍ରତାଦ୍ ବାକ୍ୟ ସତ୍ ଆତ୍‍ତାଙ୍କ୍ ଅଣ୍ଡ୍‌ କେତ୍‍ତଣ୍ଡ୍, "ନାକିଂଙ୍କ୍ ଉନ୍ଦେୱାତୁତ୍ ।"

29 ଆଗେ ଗିନେତାଗ୍ ବର୍ତ୍ତି ପୁଲ୍‍ସ୍‍ତାଦ୍ ରସ୍ ମାତ୍‍ତା । ଅଡ଼୍‌‍ ସପ୍‍ଆଞ୍ଜ୍ ପସ୍କେତିଙ୍କ୍ ରସ୍‍ତାଗ୍ ମୁହୁସ୍ ଏଜୋପ*୧୯:୨୯ ଲାଟିଲାଦ୍ ଡୁଡ୍ ଟିକ୍‍କାତାଗ୍ ୱାଟି ଜିସୁନ୍ ପାୟୁର୍ ବକେତ୍ ଆତ୍‍ତଡ଼୍ । 30 ଜିସୁ ଆଦିଙ୍କ୍ ଉଞ୍ଜ୍ କେତ୍‍ତଣ୍ଡ୍, "ଶେଷ୍ ଆଦ୍‍ତେ ।" ତାନ୍‍ପେର୍କେ ଅଣ୍ଡ୍‌ ତାଲେତିଙ୍କ୍ ମଦଲ୍ ମାଡ଼ି ଡଲ୍‍ତଣ୍ଡ୍ ।