3 ଜିସୁ ଅଂକିଙ୍କ୍ ଉତ୍ତର୍ ହିତ୍ତଣ୍ଡ୍, "ସତ୍ ନାନେ ନିକିଂଙ୍କ୍ କେତୁତାନ୍, ମେଣ୍ଡନ୍ଦାମ୍ ଜନମ୍୩:୩ ଇଶ୍ୱର୍ତାଗାଙ୍କ୍ ଜନମ୍ ଆଦାନାଦ୍ ଆୟ୍ୟକଟ ମାତ୍କେ ବେନମେଣ୍ଡେ ଇଶ୍ୱର୍ତେ ରାଜ୍ୟ ଉଡ଼୍ ପାର୍ୱଡ଼୍ ।"
4 ନିକଦୀମ୍ ଅଂକିଙ୍କ୍ ପାଚ୍ରାମାଡ଼୍ତଣ୍ଡ୍, "ମୁୟ୍କେ ନାରୁଡ଼୍ ବେଦ୍ପୁଟୁଙ୍କ୍ ଜନମ୍ ଆଦ୍ପାର୍ଦତଣ୍ଡ୍ ? ଅଣ୍ଡ୍ ବାତେଏ ଦ୍ୱିତୀୟଦାମ୍ ନିଜେତ୍ ୟାୟାନ୍ ଡଙ୍କେତ୍ତାଗାଙ୍କ୍ ନେଙ୍ଗି ଜନମ୍ ଆଦ୍ପାର୍ଦତଣ୍ଡ୍ ?"
5 ଜିସୁ ଉତ୍ତର୍ ହିତ୍ତଣ୍ଡ୍, "ସତ୍ ନାନ୍ ନିକିଂଙ୍କ୍ କେତୁତାନ୍, ଏର୍ ନୁ ଆତ୍ମାତେ ଜନମ୍ ଆୟ୍ୟକଟ ମାତ୍କେ ବେନମେଣ୍ଡେ ଇଶ୍ୱର୍ତେ ରାଜ୍ୟତାଗ୍ ନେଙ୍ଗାଙ୍କ୍ ପାର୍ୱଡ଼୍ । 6 ମେନ୍ଦୁଲ୍ତାଗାଙ୍କ୍ ବାତେଏ ତିଆର୍ ଆତ୍ତେ, ଆଦ୍ ମେନ୍ଦୁଲ୍; ମେଣ୍ଡେ ଆତ୍ମାତାଗାଙ୍କ୍ ବାତେଏ ଆତ୍ତେ, ଆଦ୍ ଆତ୍ମା । 7 ମିକିଂଙ୍କ୍ ନିଜାମ୍ ମେଣ୍ଡଣ୍ଡ୍ଦାମ୍ ଜନମ୍ ଆଦ୍ ୱେୟ୍ତିତ୍ ଇଞ୍ଜ ନାନ୍ ଯେ ନିକିଂଙ୍କ୍ କେତ୍ତାନ୍, ଆଦିଙ୍କ୍ ଦାଦ୍ ରେଲ୍ମା । 8 ଗାଲ୍ ବେନ୍ ପାକେ ଇଚ୍ଛା ମାଡ଼ିତେ, ଆଦ୍ ପାକେ ଆଦ୍ତେ, ମେଣ୍ଡେ ନିମ୍ ତାନ୍ୱାଦ୍ ମର୍ରେ କେଞ୍ଜିତିନ୍, ବାତେଙ୍କ୍ ଇତ୍କେ ଆଦ୍ ବେଗାକନ୍ସ୍ ୱାଦ୍ତେ ମେଣ୍ଡେ ବେକେ ଆଦ୍ତେ, ଆଦ୍ପୁନ୍ୱିନ୍; ଆତ୍ମାତାଗାଙ୍କ୍ ପୁଟ୍ତେନଡ଼୍ ସାରେ ନାରୁଡ଼୍ ଆଦ୍ ରକମ୍ ।"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)