18 ମେଣ୍ଡେ, ଉଡାଟ୍, ବେସ୍କ୍ତୁଡ଼୍ ନାରୁଡ଼୍ ଅରଟ୍ ପକ୍ଷାଘାତ ରୋଗି ନାରୁଙ୍କ୍ କାଟୁଲ୍ ତାଗ୍ କାଞ୍ଜି ତାସ୍ ଅଂକିଙ୍କ୍ ଲୋପେ ଆଦାନ୍ ସେଙ୍ଗେ ନୁ ଜିସୁନ୍ ମୁନ୍ନେ ରେହେତାନ୍ ସେଙ୍ଗେ ଆଲ୍ସି ମାଡ଼ମାତ୍ତଡ଼୍ । 19 ବାତେଙ୍କ୍ ଇତ୍କେ ମିଡ଼୍ ଆତ୍ତାଙ୍କ୍ ଅଂକିଙ୍କ୍ ଲୋପେ ଆଦାନ୍ ସେଙ୍ଗେ ହାର୍ ଦରସ୍କାଙ୍କ୍ ଅଡ଼୍ ଲୋତ୍ତେ ପରୁ ଆଞ୍ଜ୍ ମୁର୍ସିଙ୍କ୍ ଟେଣ୍ଡି ଲୋପେକେ କାଟୁଲ୍ ତଡ଼୍ ଅଂକିଙ୍କ୍ ନାଡ଼ମେ ଜିସୁନ୍ ମୁନ୍ନେ ୱେହେସିତ୍ତଡ୍ । 20 ଅଣ୍ଡ୍ ଅଡ଼୍ୱାଦ୍ ବିଶ୍ୱାସ୍ ଉଡ଼ି କେତ୍ତଣ୍ଡ୍, "ହୋ ବାବୁ, ନିୟାଦ୍ ପାପ୍ ସାରେ କ୍ଷମା ମାଡ଼ିତ୍ତଡ଼୍ ।"
21 ଆଗେ ଶାସ୍ତ୍ରୀନାରୁଡ଼୍ ନୁ ପାରୂଶୀଡ଼୍ ତିରିୟା ତିରିୟି ହାସ୍ ଇଲା କେତାଙ୍କ୍ ପସ୍ପ୍ତ୍ତଡ଼୍, ଇଣ୍ଡ୍ ଯେ ଇଶ୍ୱର୍ତିଙ୍କ୍ ଅପ୍ମାନ୍ ମାଡ଼ୁତଣ୍ଡ୍, "ଇଣ୍ଡ୍ ବେନ ? ମାତର୍ ଇଶ୍ୱର୍ ତେ ୱିଡ଼୍ସି ମେଣ୍ଡେ ବେନ ପାପ୍ କ୍ଷମାମାଡ଼୍ ପାର୍ଦ୍ତଣ୍ଡ୍ ?"
22 ବାତେଙ୍କ୍ ଇତ୍କେ ଜିସୁ ଅଡ଼୍ୱାଦ୍ ଗଟ୍ ତିରିୟାନାଦ୍ ପୁଞ୍ଜ୍ ମିକା ଅଡ଼୍କିଂଙ୍କ୍ କେତ୍ତଣ୍ଡ୍, "ମିଡ଼୍ ନିଜ୍ନିଜ୍ ମାନ୍ଦାଗ୍ ବାତେଙ୍କ୍ ଆଦ୍ ରକମ୍ କାରାପ୍ ଗଟି ତିରିୟୁତିଡ୍ ? 23 ବେନ୍ କେତାନାଦ୍ ସହଜ୍ ? ନି ପାପ୍ ସାରେ କ୍ଷମା ମାଡ଼୍ତଡ଼୍ ଇଞ୍ଜ କେତାନାଦ୍, ନା, ତେଏଦେ, ଅନ୍ ଇଞ୍ଜ କେତାନାଦ୍ ? 24 ବାତେଙ୍କ୍ ଇତ୍କେ ପୃତିବିତେ ପାପ୍ କ୍ଷମା ମାଡ଼ାଙ୍କ୍ ନାରୁନ୍ପିଲେ ତିଙ୍କ୍ ଅଦିକାର୍ ମିନ୍ଦେ, ଇଦ୍ ବେଲା ମିଡ଼୍ ପୁଞ୍ଜ୍ ପାର୍ଦ୍ତିଡ଼୍-ଇଦ୍ ସେଙ୍ଗେ ଜିସୁ ପକ୍ଷାଘାତ ରୋଗ୍ତିଙ୍କ୍ କେତ୍ତଣ୍ଡ୍, ନାନ୍ କେତୁତାନ୍ ତେଦ୍ଦେ," ନି କାଟୁଲ୍ ପୟିସ୍ ନି ଲୋନ୍ ହାନ୍ ।
25 ଆଗେତିନ୍ସ୍ ଅଣ୍ଡ୍ ସାଙ୍ଗେ ସାଙ୍ଗେ ଅଡ଼୍ ମୁନେତ୍କେ ତେଏଦି, ବେନେ କାଟୁଲ୍ତେ ପରୁ ଅଣ୍ଡ୍ ପାଟିମାତ୍ତଣ୍ଡ୍, ଆଦିଙ୍କ୍ ପୟିସ୍ ଇଶ୍ୱର୍ ତେ ମହିମା କୀର୍ତ୍ତନ୍ ମାଡ଼ମାଡ଼ ନିଜେ ଲୋନ୍ ଆତ୍ତଣ୍ଡ୍ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)