38 ମେଣ୍ଡେ ଉଡ଼ାଟ୍; ନାରୁଡ଼୍ ଲୋପେଙ୍କ୍ ୱେରଣ୍ଡ୍ ନାରୁଡ଼୍ ଗାଟି ଲେଙ୍ଗଦେ କେତ୍ତଣ୍ଡ୍, "ହୋ ଗୁରୁ, ନାନେ ନିକିଂଙ୍କ୍ ଦନ୍ୟବାଦ୍ ମାଡ଼ୁତାନ୍, ଦୟାମାଡ଼ି ନା ମାର୍ଦିଙ୍କ୍ ୱାସ୍ ଉଡ଼େ ବାତେଙ୍କ୍ ଇତ୍କେ ନାକିଂଙ୍କ୍ ଅଣ୍ଡ୍ ୱେରଣ୍ଡେ ଇଞ୍ଜ ମାର୍; 39 ଉଡ଼େ, ଅଂକିଙ୍କ୍ ବୁତ୍ ପୟିନୁଡ଼୍, ମେଣ୍ଡେ ଅଣ୍ଡ୍ ଅଟାତ୍ ତେ ମର୍ପୟ୍ତୁତଣ୍ଡ୍, ଅଂକିଙ୍କ୍ ବୁତ୍ ଇଦ୍ପୁଟୁଙ୍କ୍ ମାଡ଼୍ତେ ଯେ, ଅନ୍ ପାୟୁର୍ତାଗାଙ୍କ୍ ବୟୁଲ୍ ପେୟିନୁଡ଼୍, ବୁତ୍ ଅଂକିଙ୍କ୍ ଉକେୱେକ୍ ମାଡ଼ି ଅନ୍ଆଗାଙ୍କ୍ ତିପାଲ୍ତେ ପେୟିସ୍ ଆତ୍ତେ ।" 40 ବୁତ୍ତିଙ୍କ୍ ୱିର୍ସ୍ପାନ୍ ମାଇଦିଙ୍କ୍ ନାନେ ନି ଶିଷ୍ୟଡ଼୍କିଂଙ୍କ୍ କାର୍ଙ୍ଗି ମାତ୍ତାନ୍, ମାତର୍ ଅଡ଼୍ ପାର୍ୱଡ଼୍ ।
41 ଜିସୁ ଉତ୍ତର୍ ହିତ୍ତଣ୍ଡ୍, "ଆର୍ ଅବିଶ୍ୱାସ୍ଡ଼ି ନୁ ପେର୍କେ ୱାଦାନ୍ ବଂଶତଡ଼ି, ମେଣ୍ଡେ ବେସ୍କ୍ଦିନା ନାନେ ମି ତଡ଼୍ ମାନ୍ତା, ବେସର୍ଦିନା ନାନେ ମିୟାଦ୍ ମାଡ଼ାନ୍ କାମ୍ତିଙ୍କ୍ କେଞ୍ଜ୍ତାନ୍, ତାନ୍ ପେର୍କେ ଜିସୁ ଆଦ୍ ନାରୁଙ୍କ୍ କେତ୍ତଣ୍ଡ୍, ନି ମାର୍ଦିଙ୍କ୍ ଇଗ୍ ପୟ୍ସ୍ ତାଡ଼ା ।"
42 ପେକାଲ୍ ୱାଦାନ୍ ୱେୟ୍ ବୁତ୍ ଅଂକିଙ୍କ୍ ନେଏଲ୍ ରାପି ବୟଙ୍କାର୍ ତେ ପଇସ୍ଉକିତ୍ତେ, ବାତେଙ୍କ୍ ଇତ୍କେ ଜିସୁ ଅଶୁଚି ଆତ୍ମାତିଙ୍କ୍ ଦମକ୍ ହିତ୍ତଣ୍ଡ୍ ନୁ ପେକାଙ୍କ୍ ସୁସ୍ଥ ମାଡ଼ି ଅଂକିଙ୍କ୍ ତାମ୍ ବାବାନ୍ କାଇଦେ ଇତ୍ତନ୍ ମାଡ଼୍ତଣ୍ଡ୍ । 43 ଆଗେତିନ୍ସ୍ ଅଡ଼୍ ସାର୍ତଡ଼୍ ଇଶ୍ୱର୍ ତେ ନାର୍ଗେଶକ୍ତି ତେ ବାକ୍ୱା ଆଦ୍ତଡ଼୍ । ମାତର୍ ତାନ୍ ମାଡ଼୍ତେ ସାରେ ପାଡ଼ିୟି ସେଙ୍ଗେ ସାରେତଡ଼୍ ବାକ୍ୱା ଆଦାନ୍ ୱେଲେ ଜିସୁ ତାମ୍ ଶିଷ୍ୟଡ଼୍କିଂଙ୍କ୍ କେତ୍ତଣ୍ଡ୍ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)