13 ଅଡ଼୍ ପର କାଇୱାଟି ଆଶିର୍ବାଦ ମାଡ଼ାନ୍ ମାଇଦିଙ୍କ୍ ବେସ୍କ୍ ତଡ଼୍ ଶିଷ୍ୟଡ଼୍ କେତ୍ତଡ଼୍ ପିଲାକିଙ୍କ୍ ଜିସୁନ୍ ଗାରେ ତାଡ଼୍ମାଟ୍ । 14 ଆ ନାରୁଡ଼୍କ୍ ଶିଷ୍ୟଡ଼୍ ତିରସ୍କାର୍ ମାଡ଼ମାନ୍ଦାନାଦ୍ ଉଡ଼ି, ଜିସୁ ଶିଷ୍ୟଡ଼୍ ପର କପାମ୍ ଆସ୍ କେତ୍ତଣ୍ଡ୍, "ପିଲାକିଙ୍କ୍ ନା ଗାରେ ୱାଦାଙ୍କ୍ ଇମୁଟ୍; ଅଡ଼୍କ୍ ଦମକ୍ ଇମାଟ୍, ବାତେଙ୍କ୍ଇତ୍କେ ସୁଦୁପିଲାନ୍ ଲେକାମ୍ ନାରୁଡ଼୍ ସ୍ୱର୍ଗରାଜ୍ୟ ଅଦିକାର୍ ମାଡ଼ିତଡ଼୍ । 15 ୧୦:୧୫ ମାତିଉ ୧୮:3.ଇ ଗଟ୍ ନାନ୍ ମିକିଂଙ୍କ୍ ନିଜାମ୍ କେତୁତାନ୍ ଯେ, ସୁଦୁପିଲାନ୍ ଲେକାମ୍ ଅର୍ତୁଣ୍ଡ୍ ଇଶ୍ୱର୍ତେ ରାଜ୍ୟ ଗ୍ରହଣ ମାଡ଼ାଙ୍କ୍ ତିଆର୍ ଆୟକଟ ମାତ୍କେ, ଅଣ୍ଡ୍ ଆଦିନାଗ୍ ନେଙ୍ଗାନଙ୍କ୍ ପାର୍ୱଣ୍ଡ୍ ।" 16 ତାନ୍ପେର୍କେ ଜିସୁ ପିଲାଙ୍କ୍ ବର୍ତାଗ୍ ୱାଟି ଅଡ଼୍ ପର କାଇୱାଟି ଆଶିର୍ବାଦ ମାଡ଼୍ତଣ୍ଡ୍ ।
ଅର୍ତୁଣ୍ଡ୍ ସାୱୁକାର୍ ନାରୁଣ୍ଡ୍
(ମାତିଉ ୧୯:୧୬-୩୦; ଲୁକ ୧୮:୧୮-୩୦)