6 କିନ୍ତୁ ଜିସୁ କେତ୍ତଡ଼୍, "ତାଙ୍କି ଆସର ଅଇରାନ୍ ମାଡ଼ୁତି ବାତାଙ୍କ୍ ? ଆଦ୍ ନାମା ଇଦିଙ୍କ୍ ଅଣ୍ଡ୍ ସୁନ୍ଦର୍ ପାଡ଼ିୟ୍ ମାଡ଼ିମିନ୍ଦେ । 7 ଗରିବ୍ ନାରୁଡ଼୍ ମିକିଂଙ୍କ୍ ସାରେ ୱେଲେ ଦକିତଡ଼୍ । କିନ୍ତୁ ମିଡ଼୍ ଅଡ଼୍କିଂଙ୍କ୍ ସାହାଯ୍ୟ ମାଡ଼ାଙ୍କ୍ ଇଚ୍ଛା ମାଡ଼ିତିଡ଼୍ ଆସୁଟ୍ ସାହାଯ୍ୟ ମାଡ଼େ ପାର୍ଦ୍ତିଡ଼୍, ନାନେ ମିକିଂଙ୍କ୍ ସାରେ ୱେଲେ ଦରକ୍ନ । 8 ଆଦ୍ ତାନ୍ ସାମର୍ତ୍ୟ ଅନୁସାର୍ତେ ଇଦି ନା ମାୟିଦିଙ୍କ୍ ମାଡ଼୍ତେ ନାନେ ସମାଦି ଆଦାନ୍ ମୁନେନେ ଆଦ୍ ନାପର ଗାବ୍ ମାନ୍ଦାନ୍ ନିୟ୍ ତସ୍ତେ । 9 ନାନ୍ ସତ୍ କେତୁତାନ୍, ସାରା ଜଗତ୍ତାଗେ ନା ସୁସମାଚାର୍ ବେଗେ ପ୍ରଚାର୍ ଆଦ୍ତେ, ଆଗେ ଇ ନାଟାଡ଼୍ ବାତେ ମାଡ଼୍ତେ, ଆଦ୍ ସାରେ ଏର୍କେ ମାଡ଼ାନ୍ ମାଇଦିଙ୍କ୍ କେସ୍ମାନ୍ତଡ଼୍ ।"
ଜିସୁନ୍ ପର ଯିହୁଦାଲ୍ ବିରୋଦ୍
(ମାତିଉ ୨୬:୧୪-୧୬; ଲୁକ ୨୨:୩-୬)