କଲିକାଇ ସାୟେଆତ୍ତେ
1 ଜିସୁ ପ୍ରାର୍ତନା ଲୋନ୍ ମାଲ୍ସ୍ ଆତ୍ତନ୍ । ଆଗେ ୱେରଣ୍ଡ୍ ନାରୁଡ଼୍ ମାତ୍ତନ୍ । ଅନାଦ୍ କାଇ ୱାସି ମାତ୍ତେ । 2 ଜିସୁ ବିଶ୍ରାମ୍ ଦିନେତେ ଆ ନାରୁଙ୍କ୍ ସୁସ୍ଥ ମାଡ଼ିତ୍ତନ୍ କି ଇଲ୍ଲେ, ଇଦ୍ ବିଷୟ୍ତେ ଅନାଦ୍ ଦଷ୍ ପଇସ୍ କାରାପ୍ ଗଟି ତତାନ୍ସେଙ୍ଗେ ବେସ୍ତୁଡ଼୍ ନାରୁଡ଼୍ ଅନ୍ପରୁ ଲେକେତ୍ କଣ୍ଡେ ୱାଟ୍ତଡ଼୍ । 3 ଜିସୁ ଆ ନାରୁଙ୍କ୍ କେତ୍ତନ୍, "ନା ମୁନେ ତେଦିୱାଡ଼ା ।" 4 ଅଣ୍ଡ୍ ନାରୁଡ଼୍କିଂଙ୍କ୍ ପଚାର୍ମାଡ଼୍ତନ୍, "ବିଶ୍ରାମ୍ଦିନେତେ ବାଆତେ ମାଡ଼ାନାଦ୍ ଟିକ୍ ନିୟମ୍ ? ବେନ୍ ଦିନ୍ ୱେରନାଦ୍ ଲେକେତ୍ ମାଡ଼ିକାଡ଼୍ ନା କାରାପ୍ ମାଡ଼ିକା ? ୱେରନାଦ୍ ତ ଜିୱୁନ୍ତିଙ୍କ୍ ରକ୍ଷା ମାଡ଼ାନାଦ୍ ନା ବିନାସ ମାଡ଼ାନାଦ୍ ? ବାତେଙ୍କ୍ ଇତ୍କେ ଅଡ଼୍ କଟମାତ୍ତଡ଼୍ ।"
5 ଜିସୁ ଅଡ଼୍ପାକେଙ୍କ୍ କପାମ୍ ଆସ୍ ଉଡ଼୍ତନ୍ ନୁ ଅଡ଼ାଦ୍ ତିପାଲ୍ ହୃଦୟତିଙ୍କ୍ ଉଡ଼ି ଦୁଃକାମ୍ ଆତ୍ତନ୍ । ତାନ୍ପେର୍କେ ଆ ନାରୁଙ୍କ୍ କେତ୍ତନ୍, "କାଇ ଆମ୍ ।" ଅଣ୍ଡ୍ କାଇ ଆତାନ୍ ୱେଲେ ସୁସ୍ଥ ଆତ୍ତେ ।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)