3 ଅନ୍ କେତ୍ତନ୍, "କେଞ୍ଜାଟ୍ ! ଅନ୍ଦାମ୍ ୱେରଣ୍ଡ୍ ନାରୁଡ଼୍ ୱାୟେତାଗ୍ ୱିତାନଙ୍କ୍ ପେଇତ୍ତନ୍ । 4 ଅନ୍ ୱିଜ୍ ୱିତାନ୍ୱେଲେ ଆର୍ଦେ ପରୁ ବେସ୍କ୍ ରାଲ୍ତା ନୁ ପିଟେ ଆୱିଙ୍କ୍ ତିତ୍ତା ।
5 ମେଣ୍ଡେ ବେସ୍କ୍ ୱିଜ୍ କାଲ୍କିନ୍ ୱାୟେତାଗ୍ ରାଲ୍ତା, ଆଗେ ଅଦିକ୍ ଇଶୁର୍ ମାଣ୍ଡୁଲ୍ମାତ୍ତେ । ଆଗେ ମାଣ୍ଡୁଲ୍ତେ ଲୋପେ ଇଲ୍ୱାଙ୍କ୍ ଜାପେ ୱିଜ୍ ଗାଜ୍ ଆତ୍ତେ, ବାତେଙ୍କ୍ ଇତ୍କେ ମାଡା ଲୋପେ ଆଦ୍ଦେ ପାର୍ୱ । 6 ପେର୍କେ ପଡ଼ଦ୍ତେ ଗାଟିକାମ୍କେତେ ଆୱୁ ଗାଜେ ସାରେ ୱାସିଆତ୍ତା । 7 ମେଣ୍ଡେ ବେସ୍କ୍ ୱିଜ୍ କୟେ ଦୀବାନାଗ୍ ରାଲ୍ତା । ଆୱୁ କୟେମାଡ଼ାକ୍ ପେର୍ସି ଇସୁ ଇସୁ ଗାଜେନ୍ ପରୁ ମାନ୍ନାଙ୍କ୍ ଆଗେମେଣ୍ଡେ ପେଡ଼େକ୍ ଆୟ । 8 ମେଣ୍ଡେ ବେସ୍କ୍ ୱିଜ୍ ଲେକେତ୍ ୱାୟେତାଗ୍ ରାଲ୍ତା, ହାଉସାରେ ଗାଯେଆସ୍ ପେର୍ସ୍ତା ନୁ ସାୟେ ଆଦ୍ତା; ବେସ୍କ୍ ତିରିଶି ଗୁଣ୍, ବେସ୍କ୍ ଷାଟିଏ ଗୁଣ୍ ନୁ ବେସ୍କ୍ ଶହେ ଗୁଣ୍ ଆଦ୍ତା ।"
9 ଜିସୁଆଦ୍ ୱେଷଡ଼୍ ତେର୍ପ୍ତି କେତ୍ତନ୍, "ବେନନାୱୁ କେଞ୍ଜାନଙ୍କ୍ କେୱୁକ୍ ମିନ୍ଦେ, ଅଣ୍ଡ୍ ମନ୍ଇସ୍ କେଞ୍ଜିନ୍ ।"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)