37 ହଟାତ୍ ଗାଟି ଗାଲ୍ ୱାତ୍ତେ ନୁ ଓଡେତ୍ ଲୋପେ ତଲ୍କଡ଼୍ତେ ଏର୍ ଓଡ଼େତାଗ୍ ନିଣ୍ଡାନଙ୍କ୍ ପସ୍ପତ୍ତେ । 38 ଜିସୁ ଓଡେତ୍ ପେର୍କେତ୍ ପାକେ ବାଲିସ୍ତେ ପରୁ ତାଲେୱାଟି ଉଞ୍ଜିମାତ୍ତନ୍ । ଶିଷ୍ୟନଡ଼୍ ଅଙ୍କ୍ ତେସ୍ କେତ୍ତଡ଼୍, "ଗୁରୁ, ମାମ୍ମେ ମୁଡ଼ୁନ୍ଦି ଡଲିତମ୍, ନିୟାଦ୍ ବାତେଏ ଚିନ୍ତାଇଲେ ?"
39 ଜିସୁ ନିସ୍ମିକା ଗାଲ୍ଦିଙ୍କ୍ ଦମକ୍ଇସ୍ କେତ୍ତନ୍, "ଶାନ୍ତି ଆୟିମ୍," ନୁ ତଲ୍କଡ଼୍ତିଙ୍କ୍ କେତ୍ତନ୍, "ସୁସ୍ଥିର ଆୟିମ୍ ।" ହଟାତ୍ ଗାଲ୍ ମାଦ୍ତେ ନୁ ସାରେ ଶାନ୍ତି ଆତ୍ତେ । 40 ତାନ୍ପେର୍କେ ଜିସୁ ଶିଷ୍ୟନଡ଼୍କ୍ ପଚାର୍ମାଡ଼୍ତନ୍, "ବାତ୍ତିଙ୍କ୍ ଆସର୍ ୱେର୍ଦୁତିଡ଼୍ ? ଇଞ୍ଜେକ୍ ଆଇନା ବାତେଏ ମିୟାଦ୍ ବିଶ୍ୱାସ୍ ଇଲେ ?"
41 କିନ୍ତୁ ଅଡ଼୍ ଗାଟି ୱେର୍ସ୍ ମିକା ତାମେ ତାମେ କେତ୍ତଡ଼୍, ଇ ନାରୁଣ୍ଡ୍ ବେନ ? ଏର୍ ନୁ ଗାଲ୍ ଅନ୍ ଗଟି ମାନେମ୍ ଆଦ୍ତା ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)