ମାତିଉ 20

ୱେରଡ଼୍ ୟାୟାନ୍ ଅନୁରଦ୍‌

20 ଆଦ୍ ସମୟ୍‍ତେ ଜେବଦିନ୍ ମୁତ୍‍ତେ ତାନ୍ ରେଣ୍ଡେ ପିଲାନ୍ ତଡ଼୍ ଜିସୁନ୍ ପାକେ ୱାତ୍‍ତେ । ଜିସୁଙ୍କ୍ ପ୍ରଣାମ୍ ମାଡ଼ି ଅଂକିଙ୍କ୍‌ ଅନୁଗ୍ରହ ତାଲ୍‍କ୍‍ତେ ।

21 ଜିସୁ ତାଙ୍କ୍ କେତ୍‍ତାନ୍, "ବାତେଏ ଇଚ୍ଛା ମାଡ଼ୁତିନ୍ ?" ଆଦ୍ କେଲ୍‌ଲା, "ନିମ୍‍ ବେସୁଙ୍କ୍‍ ରାଜାନି ଆଦ୍‍ତିଡ଼୍, ନା ଇ ରେଣ୍ଡ୍ ପିଲାଙ୍କ୍ ନି ଡେବେ ପାକେ ନୁ ତିନ୍ଦେ ପାକେ କୁସ୍‍ପାଙ୍କ୍ ନିମ୍‍ ନାକ୍ ଗଟ୍‍ଇମ୍ ।"

22 ଜିସୁ ଜେବଦିନ୍ ପିଲାଙ୍କ୍ ଉତ୍ତର୍ ଇସ୍ ତାଙ୍କ୍ କେତ୍‍ତାନ୍, "ନିମ୍‍ ବାତେଏ ତାଲ୍‍କୁତିନ୍, ନାନ୍ ବୁଜେମ୍ ଆୟନ୍ । ନାନ୍ ବେନ୍ ଦୁଃକାମ୍ ତେ ପାନପାତ୍ର ଉନ୍ଦାଙ୍କ୍ ଆଦୁତାନ୍, ମିଡ଼୍ ବାତେଏ ଆଦିଙ୍କ୍ ଉନ୍ଦେ ପାର୍‍ତିଡ଼୍ ?" ଅଡ଼୍‌ କେତ୍‍ତଡ଼୍, "ହୋ ପାର୍‍ତମ୍ ।"

23 ଜିସୁ ଅଡ଼୍‌‍କିଂଙ୍କ୍ କେତ୍‍ତାନ୍, "ବାସ୍ତବିକ ମିଡ଼୍ ନାୟାଦ୍ ଆଦ୍ ପାନପାତ୍ର ତାଗାଙ୍କ୍ ଉନ୍ଦ୍‍ତିଡ଼୍ । ବାତେଙ୍କ୍ ଇତ୍‍କେ ତିନ୍ଦେପାକେ ବା ଡେବେପାକେ କୁଦାନ୍ ସେଙ୍ଗେ ବେନଙ୍କ୍ ହେଞ୍ଚି ମାଡ଼ମାନ୍ଦାନ୍‌ ଅଦିକାର୍‌ ନାୟାଦ୍ ଇଲ୍‍ଲେ । ବେନଡ଼୍ ସେଙ୍ଗେ ନା ବାବାଲ୍ ଆଦ୍ ପଡ଼ିୟେ ତିଆର୍ ମାଡ଼୍‍ତଣ୍ଡ୍, ଆଦ୍ ମାତର୍ ଅଡ଼୍‌ ସେଙ୍ଗେ ।"