ଯିରୁଶାଲେମ୍ତାଗ୍ ଜିସୁ ଗୌରବ୍ତେ ହସାନାଦ୍
1 ଜିସୁ ନୁ ତାନ୍ ଶିଷ୍ୟଡ଼୍ ଯିରୁଶାଲେମ୍ ତେ ଗାର୍ରେହେଉସ୍ ବେତ୍ପାଗୀ ସହର୍ ସୁଦୁଟ୍ ଯେକା ମାନ୍ଦାନ୍ ଜୀତ ମେଟେତାଗ୍ ହେଉତଡ଼୍ । 2 ଇର୍ୱୁଡ଼୍ ଶିଷ୍ୟଡ଼୍କ୍ ଆଦେଶ୍ ଇସ୍ ଜିସୁ କେତ୍ତାନ୍, "ମୁନେ ମାନ୍ଦାନ୍ ଆଦ୍ ନାର୍ ଆନୁଟ୍ । ଆଗେ ହେଉଦାନ୍ ୱେଲେ ଉଡ଼ିତିଡ଼୍, ୱେରଡ଼୍ ଗଦ ତହସ୍ ମାନ୍ତଡ଼୍ ନୁ ତାନ୍ ଗାର୍ରେ ତାନ୍ ପିଲେ ମିନ୍ଦେ । ଆଦିଙ୍କ୍ ଲେସ୍ ନା ପାକେ ତାଡ଼ାଟ୍ । 3 ବେନ ବାତେଏ କେତ୍କେ, କେତିତିଡ଼୍ ଇଦ୍ ଗୁରୁଙ୍କ୍ ଦର୍କାର୍ ମିନ୍ଦେ । ଆସୁଙ୍କ୍ ସାଙ୍ଗେ ସାଙ୍ଗେ ଅଣ୍ଡ୍ ଅଡ଼୍କିଂଙ୍କ୍ ରସିତ୍ତନ୍ ।"
4 ହି ଗଟ୍ନା ତଡ଼୍ ବାବବାଦୀଡ଼୍ ମଦଲ୍ କେତ୍ତାଦ୍ ବାଣି ସାରେ ହାତ୍ତେ ।
5 "ସିୟନ୍ତେ କନ୍ୟାୟାତିଙ୍କ୍ କେଲ୍ମୁଟ୍ ।
ଉଡ଼ାଟ୍, ମିଇ ରାଜାଲ୍ ମିଇ ପାକେ ୱାଦୁତନ୍,
ଅଣ୍ଡ୍ ବେସର୍ ନମ୍ର ଗଦପିଲେତ୍ ପରୁକୁଦି ୱାଦୁତନ୍;
ଉଡ଼ାଟ୍, ଅଣ୍ଡ୍ ଗଦପରୁ କୁଦି ୱାଦୁତନ୍ ।"
6 ଶିଷ୍ୟଡ଼୍ ଆଞ୍ଜ୍ ଜିସୁ କେତ୍ତେ ଲେକାମ୍ ମାଡ଼୍ତଡ଼୍ । 7 ଗଦ ନୁ ତାନ୍ ପିଲେତିଙ୍କ୍ ତାସ୍ ନିଜେ ନିଜେତାଉ ସିଲେ ଗଦତ୍ ପରୁ ୱାଟି ଜିସୁଙ୍କ୍ କୁସ୍ପ୍ତଡ଼୍ । 8 ଆଗେ ମାନ୍ଦାନ୍ ନାରୁଡ଼୍ ଜିସୁ ଆଦାନ୍ ଆର୍ଦାଗ୍ ନିଜେ ନିଜେତ୍ତାଉ ସିଲେ ତାର୍ତଡ଼୍ ନୁ ବେସ୍କ୍ ତଡ଼୍ ହେତେଲ୍ ମାଡ଼େତ୍ ମେଟା ନାଡ଼୍କି ତାସ୍ ଆଦାନ୍ ଆର୍ଦାଗ୍ ୱାଟ୍ଟଡ଼୍ । 9 ଜିସୁନ୍ ମୁନେ ନୁ ପେର୍କେ ଆଞ୍ଜମାନ୍ଦାନ୍ ନାରୁଡ଼୍ ଗାଟି ଲେଙ୍ଗ୍ଦେ କେତ୍ତଡ଼୍, "ଦାଉଦ୍ତେ ମାରିଙ୍କ୍ ପ୍ରସଂଶା ହାଇ, ବେନ ପ୍ରବୁନ୍ ପେଦେର୍ତେ ୱାଦୁତନ୍, ଇଶ୍ୱର୍ ଅଂକିଙ୍କ୍ ଆର୍ଶିବାଦ୍ ମାଡ଼ିଣ୍ଡ୍ । ଇଶ୍ୱର୍ତେ ପ୍ରସଂଶା ମାଡ଼ାଟ୍ ।"
10 ଜିସୁ ଯିରୁଶାଲେମ୍ ହେଉଦାନ୍ ୱେଲେ ଆଗେ ଅଂକିଙ୍କ୍ ଉଡାଙ୍କ୍ ନାରୁଡ଼୍ ଗୁଡ଼୍ତଡ଼୍ ।
11 ନାରୁଡ଼୍ କେତ୍ତଡ଼୍, ଅଣ୍ଡ୍ ବେନ ? ବାଗାତଡ଼୍ କେତ୍ତଡ଼୍, "ଅଣ୍ଡ୍ ଆଦୁତନ୍, ଗାଲିଲୀତେ ନାଜରିତିୟ ବାବବାଦୀ ଜିସୁ ।"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)