Provérbios 7

ଲାଞ୍ଜେନାଟାଡ଼୍‌କନ୍‌ ସତର୍କ

1 ହୋ ନା ମାର୍‌, ନା ଗଟିସାରେ ପାଲନ ମାଡ଼ାଟ୍‌ ନୁ ନା ଆଜ୍ଞାସାରେ ନିଜେତ୍‌ ହୃଦୟତାଗ୍‌ ଗୁଡ଼୍‌ପି ନେଃମ୍‌ । 2 ନା ଆଜ୍ଞାସାରେ ପାଲନ ମାଡ଼ାଟ୍‌, ଆସୁଙ୍ଗ୍‌ ମିଡ଼୍‌ ଗେଲ୍‌ସିତିଡ଼୍‌ ନୁ ନିଜେତ୍‌ କଣ୍ଡେନିଡ଼୍‌ ଇନା ନାୟାଦ୍‌ ନିୟମ୍‌ ରକ୍ଷା ମାଡ଼େ । 3 ମିଡ଼୍‌ ସାରେ ୱାଡ଼୍‌ଞ୍ଚ୍‌କିନାଗ୍‌ ଆଦ୍‌ ତଃମୁଟ୍‌; ମି ହୃଦୟ ଗୁଣ୍ଡେତାଗ୍‌ ଆୱୁସାରେ ଲେକି ନେଃମୁଟ୍‌ । 4 ଜ୍ଞାନତିଙ୍କ୍‌ କେଲ୍‌ମୁଟ୍‌, ମିଡ଼୍‌ ନା ଏଲାଡ଼୍‌ , ମେଣ୍ଡେ ସାୟେତ୍‌ ମାନ୍‌ତେ ମିଡ଼୍‌ ନିଜେତ୍‌ ନାରୁଡ଼୍‌ ଇଞ୍ଜ୍‌ କେଲ୍‌ମୁଟ୍‌ । 5 ଆସୁଙ୍କ୍‌ ଅଡ଼୍‌ ୱେରଡ଼୍‌ ନାଟାଡ଼୍‌ତିଙ୍କ୍‌ ଇତ୍କେ, ମିଚ୍‌ଗଟି କେତାନ୍‌ ନାଟାଡ଼୍ ନୁ ଲାଞ୍ଜେ ନାଡ଼ାଟ୍ ତାଗାଙ୍କ୍ ମିକିଙ୍କ୍‌ ରକ୍ଷା ମାଡ଼ିତଡ଼୍‌ । 6 ନାନ୍‌ ନିଜେତ୍‌ ଲତ୍‌ତେ ଜର୍‌କାତେ ଜାଲି ପର୍‌ଦାତାଲାନ୍‌ ଉଡ଼୍‌ ମାତ୍‌ତାନ୍‌; 7 ଆସୁଙ୍କ୍‌ ନାନ୍‌ ଉଡ଼୍‌ତାନ୍‌, ଅଜ୍ଞାନିଡ଼୍‌ ଲପେ ନୁ ଏଞ୍ଚ୍‌ତେ ଲେୟିୟଡ଼୍ ଲପେ ୱେରଣ୍ଡ୍‌ ବୁଦ୍ଦ୍‌ ଇଲ୍‌ୱେ ଲେୟିଅଙ୍କ୍‌ ଉଡ଼୍‌ତାନ୍‌ 8 ଲାଞ୍ଜେ ମୁତେନ୍‌ ଲତେମୁଲେତ୍‌ ଗାରେ ୱିଦ୍‌ଇସ୍‌ ଆଞ୍ଜ ଆଞ୍ଜ ଆଦିନ୍‌ ଲତ୍‌ତାଗ୍‌ ଆଦାନ୍ ଆର୍‌ଦାଗ୍ ତାକ୍‌ତେ । 9 ଆସୁଙ୍କ୍‌ ଗଡ଼କ୍ ୱାଦାନ୍ ଦୂମ୍‌ଦେ ସମୟ୍‌, ପଡ଼ଦ୍‌ ଡ଼ିଗି ଇରିଙ୍ଗ୍ ଇରିଙ୍ଗ୍ ଇକାଡ଼୍‌ ଆସମାତ୍‌ତେ, ନାଡ଼୍‌ଜାଲିନ୍‌ ଇକାଡ଼୍‌ତେ ସମୟ । 10 ଆସୁଙ୍ଗ୍‌ ଉଡ଼ାଟ୍‌, ୱେରଡ଼୍‌ ନାଟାଡ଼୍‌ ଅନ୍‌ତଡ଼୍‌ କାଇଲ୍‌ତେ, ଆଦ୍‌ ଲାଞ୍ଜେନାଟାଡ଼୍ ଲେକେତ୍ ତିଆର୍‌ତେ ନୁ ଚାଲାକ୍‌ ହୃଦୟ୍‌ତେ ମାତ୍‌ତେ । 11 ଆଦ୍‌ ଗାଟି ପାୟୁର୍‌ତାଦ୍‌ ନୁ ଉର୍ଗାଡ଼୍‌ତାଦ୍‌, ତାନାଦ୍‌ ପାଦାମ୍‌ ନିଜେତ୍ ଲତ୍‌ତାଗ୍‌ ମାନ୍‌ନ । 12 ଆଦ୍‌ ବେସୁଙ୍କ୍‌ ବେସୁଙ୍କ୍‌ ରଟିନାଗ୍‌, ବେସୁଙ୍କ୍‌ ବେସୁଙ୍କ୍‌ ଏରସ୍‌କିନାଗ୍‌ ମାନ୍‌ତେ ନୁ ସାରେ ମୁଲାନାଗ୍‌ କେପି କୁଦି ମାନ୍ତେ । 13 ଆ ନାଟାଡ଼୍‌ ଅକିଙ୍କ୍‌ ପଇସ୍‌ ଚୁମା ଇତ୍‌ତେ, ମେଣ୍ଡେ ସିଗ୍‌ଇଲ୍‌ୱେ ମକମ୍‌ତେ ଅକିଙ୍କ୍‌ କେତ୍‌ତେ; 14 "ମଙ୍ଗଲ୍‌ତାଦ୍‌ ବଲି ନା’ଗାରେ ମିନ୍ଦେ; ନାନ୍‌ ନେଣ୍ଡ୍‌ ନିଜେତ୍‌ ମାନତ ପୁରା ମାଡ଼ିମିନ୍ଦେନ୍‌ । 15 ଇଦିଙ୍କ୍‌ ମିଇତଡ଼୍‌ ଉଡ଼ାନଙ୍କ୍‌ ବାଇଦେୱାତ୍‌ତାନ୍ ନୁ ଯତନ୍‌ତେ ମି ମକମ୍ ମେଃକାନଙ୍କ୍‌ ୱାସ୍‌ମିନ୍ଦେନ୍‌, ମେଣ୍ଡେ ନିକିଙ୍କ୍‌ ଦର୍‌ସ୍କ୍‌ତାନ୍‌ । 16 ନାନେ ମିସର୍‌ଦେଶ୍‌ତେ ଚିତ୍ରା କାବ୍ରା ସରୁ ନୁଲ୍‌ଦେ ନଡ଼ମ୍‌ତେ ସିଲେ ନିଜେତ୍‌ କାଟୁଲ୍‌ତାଗ୍‌ ତାରି ମିନ୍ଦେନ୍‌ । 17 ମେଣ୍ଡେ, ଗାବ୍‌ତାଦ୍‌ ରସ୍‌, ଅଗୁରୁ ନୁ ଦାରୁଚିନିତେ ନାୟାଦ୍‌ ଉଞ୍ଜାନ୍‌ ପଡ଼ିୟେତାଗ୍‌ ସାୟେଗାବ୍‌ ମାଡ଼ିମିନ୍ଦେଣ୍ଡ୍‌ । 18 ୱାଡ଼େ, ମାନାଡ଼୍‌ ନାର୍କୁକ୍‌ ଆୟିନା ନିଜେତ୍ ପାଡ଼୍‌ୟିଦାନ୍ଦେତେ ଅସି ମାନ୍ଦିକାଡ଼୍‌ ନୁ ପ୍ରେମତେ ବପୁ ଆୟି । 19 ବେଲାକି ମୁଦ୍‌ପାଲ୍‌ ଲନ୍‌ ଇଲାଣ୍ଡ୍‌, ଅଣ୍ଡ୍‌ ଜେକେ ଆଞ୍ଜ୍‌ମିନ୍ଦେଣ୍ଡ୍‌ । 20 ଅଣ୍ଡ୍‌ କାଟେଣ୍ଟ୍‌ ରୁପା ଡ଼ାବ୍‌କ୍‌ ଅସ୍‌ ମିନ୍ଦେଣ୍ଡ୍‌, ଅଣ୍ଡ୍‌ ପୁନାମ୍ ନେଲ୍‌ଞ୍ଜ୍‌ତେ ମାଲ୍‌ସ୍‌ୱାଦ୍‌ତଣ୍ଡ୍‌ ।" 21 ଇଲାନେ ନାର୍ଗେ ମିଙ୍କ୍‌ତା ଗଟି କେସ୍‌ ଆଦ୍‌ ଅନ୍‌ ମନ୍‌ତିଙ୍କ୍‌ ଡଙ୍ଗ୍‌ତେ, ପାୟୁର୍‌କନ୍‌ ମିଚ୍‌ଗଟ୍‌ତେ ଅକିଙ୍କ୍‌ ପୁସ୍କାମାଡ଼ି ଅତ୍‌ତେ । 22 ବେଲାନେ ଗଡ଼କ୍‌ ଡଲାନଙ୍କ୍ ଆଦ୍‌ତେ ନୁ ବେଲାନେ ଇକ୍‌ଲେମ୍‌ କେର୍‌ତେ ମୁର୍କ ନାରୁଣ୍ଡ୍‌ ଦଣ୍ଡ୍‌ ପାହେମ୍‌ ଆଦାଙ୍କ୍‌ ଆଦ୍‌ତଣ୍ଡ୍‌, ଆଲାନେ ଅଣ୍ଡ୍‌ ଆ ସମୟତେ ଅନ୍‌ ପେର୍କେ ପେର୍କେ ଆତ୍‌ତଣ୍ଡ୍‌ । 23 ମେଣ୍ଡେ, ବେଲାନେ ପିଟେ ଉଡ଼ିୟ୍‌ଦିଙ୍କ୍‌ ଜିଉଡଲାନାଦ୍‌ ପୁନକଟ୍‌ ଆଦିନାଗ୍‌ ଆର୍‌ଦାନଙ୍କ୍‌ ଯାପେ ପାର୍‌ତିତ୍‌, ପେର୍କେ ତାନ୍‌ ତାଡ଼୍‌କିନ୍‌ ଆଲା କାଡ଼୍‌ଦେ ରେଃତେ ଲେକାମ୍‌ ଆତ୍‌ତେ । 24 ଆଦିଙ୍କ୍‌ ହୋ ନା ମାର୍‌କିନଡ଼ି ନା ଗଟି କେଞ୍ଜାଟ୍‌ ନୁ ନା’ମକମ୍‌ତେ ବାକ୍ୟ ମାନ୍‌ଇମୁଟ୍‌ । 25 ମିଇ ଏର୍କେ ଆଦିନ୍‌ ଆର୍‌ଦାଗ୍‌ ଆନ୍‌ମାଟ୍‌, ମିଡ଼୍‌ ଆଦିନ୍‌ ଆର୍‌ଦାଗ୍ ବିପଦ୍‌ ଆୟିମାଟ୍‌ । 26 ବେଲାକି ଅଣ୍ଡ୍‌ ନାର୍ଗେ ନାରୁଡ଼୍‌କିଙ୍କ୍‌ ପୁଣ୍ଡୁକ୍ ଚିହ୍ନା ମାଡ଼ିମିନ୍ଦେଣ୍ଡ୍‌, ହଁ, ଅନ୍‌ ଆୱୁକ୍‌ତେ ନାରୁଡ଼୍‌ସାରେ ନାର୍ଗେ । 27 ଆଦିନ୍‌ ଲନ୍‌ ପାତାଲ୍‌ତାଗ୍‌ ଆଦାନ୍‌ ଆର୍‌, ବେନ୍‌ ଡଲାନ୍‌ ପାକେ ଅଦ୍‌ତେ ।