ଜ୍ଞାନ୍ତେ ପୁରସ୍କାର୍
1 ହୋ ନା ମାର୍, ମିଡ଼୍ ଯଦି ନା ଗଟ୍ କେଞ୍ଜାଟ୍ ନୁ ନା ଆଦେଶ୍ ସାରେ ମାନ୍ତାଗ୍ ନେଃମୁଟ୍; 2 ଯଦି ଜ୍ଞାନତେ ପାକେ ମିୟାଦ୍ କେୱୁ ତାରିତିଡ଼୍ ନୁ ବୁଦ୍ଦ୍ତାଗ୍ ମିଡ଼୍ ମନ୍ଇଦ୍ତିଡ଼୍; 3 ହଁ, ଯଦି ମିଡ଼୍ ସାୟେତ୍ ବିଚାର୍ତେ ପାକେ ଲେଙ୍ଗ୍ ୱାଟିତିଡ଼୍ ନୁ ବୁଦ୍ଦ୍ ସେଙ୍ଗେ ଗାଟିଲେଙ୍ଗ୍ ମାଡ଼ାଟ୍; 4 ଯଦି ରୁପା ଲେକାମ୍ ଆଦିଙ୍କ୍ ମେଃକାଟ୍ ନୁ ମିସ୍ତେସମ୍ପତ୍ତି ଲେକାମ୍ ଆଦିଙ୍କ୍ ମେଃକାଟ୍; 5 ଆଲେକେ ମିଡ଼୍ ସଦାପ୍ରବୁନ୍ ବିଷୟ୍କି ୱେର୍ ବୁଜେମ୍ ଆଦ୍ତିଡ଼୍ ନୁ ପରମେଶ୍ୱର୍ତେ ବିଷୟ୍କି ସାୟେତ୍ ଜ୍ଞାନ୍ ପାହେମ୍ ଆଦ୍ତିଡ଼୍ । 6 ବେଲାନ୍ ସଦାପ୍ରବୁଙ୍କ୍ ଜ୍ଞାନ ଇଦ୍ତଡ଼୍, ତାମ୍ ମକମ୍ତାଗାଙ୍କ୍ ଜ୍ଞାନ୍ ନୁ ବୁଦ୍ଦ୍ ପେୟ୍ତିତ୍ । 7 ଅଣ୍ଡ୍ ସତ୍ନାରୁଡ଼୍ ସେଙ୍ଗେ ସାୟେତ୍ଜ୍ଞାନ୍ ଗୁଡ଼୍ପିତଡ଼୍, ଅଣ୍ଡ୍ ସାୟେତ୍ ନାରୁଡ଼୍କିଙ୍କ୍ ଆମ୍ପାନାଦ୍ ଲେକାମ୍ ଆଦ୍ତଣ୍ଡ୍ । 8 ବେଲାନେ ଅଣ୍ଡ୍ ନ୍ୟାୟ ଆର୍ତିଙ୍କ୍ ରକ୍ଷା ମାଡ଼୍ପାର୍ତଣ୍ଡ୍ ନୁ ନିଜର ବିଶ୍ୱାସିଡ଼୍ ବିଷୟତିଙ୍କ୍ ସମ୍ଲା ମାଡ଼ିତଣ୍ଡ । 9 ଆସୁଙ୍କ୍ ମିଇ ଦାର୍ମିକତେ, ସାୟେତ୍ ବିଚାର, ନ୍ୟାୟ ନୁ ଲେକେତ୍ ଆର୍ ପୁନ୍ତିଡ଼୍ । 10 ବାତେଙ୍କ୍ଇତ୍କେ ଜ୍ଞାନ ମିଇ ହୃଦୟତେ ନେଙ୍ଗିତ୍, ମେଣ୍ଡେ, ଶିକ୍ଷା ମିଇ ଜିଉତାଗ୍ ସାୟେତାଦ୍ ଆଦ୍ତେ; 11 ଗଟ୍ ମାନେମ୍ ଆୟିୱେନଡ଼୍ ମିଇ ପର କେପାନଡ଼୍ ଆଦ୍ତଡ଼୍, ବୁଦ୍ଦ୍ ମିକିଙ୍କ୍ ରକ୍ଷା ମାଡ଼ିତ୍ । 12 ଆସୁଙ୍କ୍ ବେନଡ଼୍ ବେକାର୍ ଗଟି କେତିତଡ଼୍, 13 ବେନଡ଼୍ ଇକାଡ଼୍ତେ ଆର୍ ଆଦାନଙ୍କ୍ ସାୟେତ୍ ଆର୍ ୱିଡ଼୍ସିତଡ଼୍; 14 ବେନଡ଼୍ କାରାପ୍ ପାଡ଼୍ୟି ମାଡ଼ାନଙ୍କ୍ ପସନ୍ଦ୍ ମାଡ଼ିତଡ଼୍ ନୁ ଦୁଷ୍ଟଡ଼୍ ବେକାର୍ କାମ୍ତାଗ୍ ୱେଡ଼୍କେ ଆଦ୍ତଡ଼୍; 15 ବେନଡ଼୍ ନିଜର୍ ନିଜର୍ ଆର୍ଦାଗ୍ ମନ୍ ଇଚ୍ଛାତେ କାମ୍ ମାଡ଼ାନଣ୍ଡ୍ ନୁ ନିଜର୍ ନିଜର୍ ଆର୍ତେ ୱାଙ୍କ୍ସି ଆସ୍, ଇଲାନେ କାରାପ୍ ପାଡ଼୍ୟି ମାଡ଼୍ନଡ଼୍ ଆର୍ଦାଗାଙ୍କ୍ ମିକିଙ୍କ୍ ରକ୍ଷା ଆଦ୍ତେ । 16 ମେଣ୍ଡେ, ବେନ୍ ୱେରେ ନାଟାଡ଼୍ତିଙ୍କ୍ ପୁସ୍କାମାଡ଼ାନ୍ ଗଟି କେତିତଣ୍ଡ, ବେନ ନିଜର୍ ଲେୟ୍ମାନ୍ଦାନ୍ ସମୟ୍ତେ ସାଙ୍ଗଙ୍କ୍ ୱିଡ଼୍ସି ନିଜର ପରମେଶ୍ୱରଦେ ନିୟମ ମାର୍ଙ୍ଗିତଣ୍ଡ୍, 17 ବେନ୍ ଲତ୍ତାଗ୍ ଡଲାନ୍ ପାକେଆଦ୍ତେ 18 ନୁ ବେନ୍ ଆର୍ ୱେରେ ନାରୁଡ଼୍ ପାକେ ଆଦ୍ତେ, ବେନ୍ ଗାରେ ଆଦ୍ତିଡ଼୍ ବେନ୍ ପେର୍କେ ୱାଡ଼ଣ୍ଡ୍ ନୁ ଜିଉନ୍ତେ ଆର୍ ମେଣ୍ଡେ ପୟଣ୍ଡ୍, 19 ଇଲାନେ ୱେରେ ନାଟାଡ଼୍ତାଗାଙ୍କ୍ ମିଡ଼୍ ରକ୍ଷା ଆଦ୍ତିଡ଼୍ । 20 ଇଦିନ୍ ମାଇଦିଙ୍କ୍ ମିଡ଼୍ ସତ୍ ନାରୁଡ଼୍ ଆର୍ ଆନୁଟ୍ ନୁ ଦାର୍ମି ନାରୁଡ଼୍ ଆର୍ ଆନୁଟ୍, 21 ବେଲାକି ସାୟେତ୍ ନାରୁଡ଼୍ ଦେଶତାଗ୍ ବାସ ମାଡ଼ିତଡ଼୍, ମେଣ୍ଡେ, ସାୟେ କାମ୍ ମାଡ଼ାନ୍ ନାରୁଡ଼୍ ଆଗେ ସାୟ୍ ମାନ୍ତଡ଼୍ । 22 ମାତର୍ ଦୁଷ୍ଟନାରୁଡ଼୍ ଦେଶ୍କନ୍ ନଷ୍ଟ ଆଦ୍ତଡ଼୍ ନୁ ବିଶ୍ୱାସଗାତଗତାତଡ଼୍ ଆଗାକନ୍ ୱେରେ ଆଦ୍ତଡ଼୍ ।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)