ଦୁଃକାମ୍ ନୁ ତାଡ଼ନା
3 ଜିସୁ ଜିତ ମେଟେତ୍ ପର୍ର କୁଦି ମାନ୍ଦାନ୍ୱେଲେ ଶିଷ୍ୟଡ଼୍ ଅଣ୍ଡୟ୍ଦାମ୍ ୱାସ୍ ପାଚ୍ରା ମାଡ଼୍ତଡ଼୍, "ଇସାର୍ରେ ବେସୁଟ୍ ଗଟେମ୍ ଆଦ୍ତେ, ମାକିଂଙ୍କ୍ କେଲ୍ମ୍ । ବାତେଏ ଗଟେମ୍ ଆତ୍କେ ମାମ୍ମେ ପୁନ୍ତମ୍ ଯେ ନିୟାଦ୍ ୱାଦାନ୍ ଦିନାମ୍ ଆଦୁତ୍ ନୁ ଇ ଯୁଗାନ୍ତ ଆଦ୍ତେ ।"
4 ଜିସୁ କେତ୍ତଣ୍ଡ୍, "ସତର୍କ ମାନୁଟ୍ ।" ବେନ ବେଦ୍ପୁଟୁଙ୍କ୍ ମିକିଂଙ୍କ୍ ବୁଲ୍କା ମାଡ଼୍ମାକିଡ଼୍ । 5 ନା ପେଦେର୍ ଆସ୍ ନାର୍ଗେ ୱାସ୍ କେତିତଡ଼୍, "ନାନ୍ନେ ବାନେ ମସୀହ ।" ଇଲା କେସ୍ ଅଡ଼୍ ସାର୍ତଡ଼୍କିଙ୍କ୍ ବୁଲ୍କା ମାଡ଼ିତଡ଼୍ । 6 ମିଡ଼୍ ଗାର୍ରେ ଯୁଦ୍ଦ୍ତେ ଆସମାନ୍ଦାନ୍ ମର୍ରେ କେଞ୍ଜିତିଡ଼୍ ନୁ ଜୁୟ୍ ଚାଲେମ୍ ଆସ୍ମାନ୍ଦାନ୍ ଯୁଦ୍ତେ କବର୍ କେଞ୍ଜ୍ତିଡ଼୍ । ବାତେଙ୍କ୍ ଇତ୍କେ ଦାନ୍ଦେ ଆୟ୍ମାଟ୍ । ହିଦ୍ପୁଟୁଙ୍କ୍ ସାରେ ନିଜାମ୍ ଗଟେମ୍ ଆଦ୍ତେ । ବାତେଙ୍କ୍ ଇତ୍କେ, ହିଦିନ୍ ଇତ୍କେ ଆୟଜେ ଯୁଗାନ୍ତ ଦିନାମ୍ ହେୱ୍ତେ ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)